தமிழ் மறவர்

2011-11-18T00:54:00.001+01:00

முதலாவது மாவீரர்நாள்

தமிழீழ விடுதலைப்புலிகள் அமைப்பானது ஆரம்பிக்கப்பட்ட ,

1976 ம் ஆண்டிலிருந்து, தாயக விடுதலைக்காய் தமதின்னுயிரை ஈகம் செய்த ஆயிரக்கணக்கான போராளிகளின் அளப்பரிய தியாகங்களையெல்லாம் , அவ்வப்போது உரியமுறையில் கௌரவித்து வந்த விடுதலைப்புலிகள், காலப்போக்கில் அதற்கென்றே ஒரு நாளைப் பிரகடனப் படுத்தினர்.
அதாவது, 1989 ம் ஆண்டு கார்த்திகைத்திங்கள் 27 ம் நாள் முதன்முதலாகத் தமிழீழத்திலும் புலம்பெயர்தேசங்களிலும் மாவீரர்களுக்கான
அஞ்சலி நிகழ்வுகள் இடம்பெற்றன.
இந்த ’கார்த்திகை 27’ என்பது, அவ்வமைப்பின் முதற்களபலியான
மாவீரன் செ.சத்தியநாதன் எனும் இயற்பெயரைக்கொண்ட
லெப்.கேணல் சங்கர் வீரமரணத்தைத் தழுவிக்கொண்ட தினம் எனும் குறியீட்டுடனேயே தேர்ந்தெடுக்கப்பட்டது.
எனினும் மேலதிக ஒரு காரணமாக : தலைவர் பிரபாகரன் பிறந்தநாளான
கார்த்திகை 26 ம் இணைக்கப்பட்டது.
1982 இல் இராணுவத்தினரால் சுற்றிவளைக்கப்பட்டு , படுகாயங்களுடன் குருதி சொட்டச்சொட்டத் தப்பியோடிவந்து, சிகிச்சைக்காகத் தமிழகம் கொண்டுசெல்லப்படும்வழியில் , தலைவரின் மடியிலேயே உயிர்துறந்த
அந்த உன்னதப்போராளியை மறக்கமுடியாமற்றான்
13 ஆண்டுகள் கழித்து , அவ்வமைப்பு இக்கௌரவத்தை அவருக்கு வழங்கியது.
உலகறிய ’மாவீரர்நாள்’ பிரகடனப்படுத்தப்பட்டது 1989 இல் என்றாலும்,
அவ்வெண்ணக்கருவானது, அவர் பலியான ஓராண்டு நிறைவு தினமாகிய
1983 கார்த்திகை 27 இலேயே விடுதலைப்புலிகளிடம் தோன்றியிருந்தது.
மிகக்குறைவான உறுப்பினர்களையே கொண்டிருந்த அந்தக் காலகட்டத்தில் , யாழ்ப்பாண நகரத் தெருக்களின் சுவர்களையெல்லாம் அலங்கரித்த, அஞ்சலிக்கவிதைகளிற் சிலவற்றை
இதிற்காணலாம்.

1. மீளாத் துயிலில் ஆழ்ந்தநம் தோழா!

மீண்டு மிவண்வா! சத்தியநாதா!

நாளா னாலும் நாமுனை மறவோம்.

நாட்கள் சென்றால் நாமுனைத் தொடர்வோம்!

தூளாய்ப் போகும் துட்டரின் சட்டம்!

தூக்கி யெறிந்திடுவோம் எம திஷ்டம்!

காளான் போலும் கட்சிக ளில்லை

காண்போம் முடிவில் தனித் தமிழீழம்!

2. விடைகொண்ட வீரா! வீறுடை வேங்கை

விண்ணிலே வாழும் சத்தியநாதா!

குடைகின்ற தையா குமுறிடும் நெஞ்சம்!

கூடிடும் நாளோ ஓராண்டு காலம்!

மடையினை வென்ற வெள்ளமா யோடும்

மனதில்நாம் கொண்ட இலட்சியம் யாவும்

தடையினை வென்று தாயகம் காப்போம்!

தரணியிற் காண்போம் தனித் தமிழீழம்!

3. விடிகின்ற வேளை வெளிவரும் அந்த

வெள்ளியைப் போலும் விடுதலைப் போரின்

அடித்தள மானாய் அன்பின்நம் தோழா!

ஆவியை ஈந்தாய் சத்தியநாதா!

கொடியவர்எதிரி இராணுவம் வசம்நீ

கொடுத்திட வில்லை ஆயுதம் தன்னை

கடிதினில் வந்தாய் - நம்வசம் தந்தாய்

காலனோ டேனோ காதலிற் சென்றாய்?

கவிதை ஆக்கம்: சிவம் அமுதசிவம்

அப்படிப் பார்த்தால், முதன்முதலாகக் கொண்டாடப்பட்ட ’ மாவீரர்நாள் ‘

1983 கார்த்த்கை 27 எனவும் கொள்ளலாம்.

’ பாகம் - 2 ‘ யானை பார்த்ததுபோல்......

2011-04-20T12:06:00.007+02:00

மேற்குநாடுகளில் வாழும், புலி எதிர்ப்பாளர்களில் விசித்திரமான ஓரிரு பிரிவினரைப்பற்றி பாகம் - 1 இல் பார்த்தோம்.

இந்த வகையினரில் புத்திசாலித்தனமாகப் பொருளீட்டும் மற்றொருபிரிவினர்பற்றியும் இங்கு சிறிதளவு பார்ப்போம்.

இவர்கள் மக்களிடம் பணம் வசூலிக்கப்போகும்போது, தனிப்பட்டவர்களாகப்போகாமல், ஒரு நிறுவனமாகத் தங்களை அடையாளப்படுத்திக்கொண்டு போவார்கள்.

அதுவும், ஏற்கெனவே பிரபலமான தொண்டர்நிறுவனங்களின் பெயர்களின் சாயலிலேயே தமது நிறுவனத்தின் பெயரையும் அமைத்துவிடுவார்கள்.

உதாரணமாக, ‘ செஞ்சிலுவைச்சங்கம் ‘ என்பதிலுள்ள ‘ சிலுவை ‘ என்பதைத் தமது நிறுவனத்தின் பெயரில் சொருகிக்கொள்வார்கள்.

அல்லது, ‘ உதவும் கரங்கள் ’ ( Helping Hands ) என்பதை ‘ கரங்கள் ‘ என்றோ ’ கரம் ‘ என்றோ பயன்படுத்துவார்கள்.

இதன்மூலம், மக்களின் சந்தேகப்பார்வையிலிருந்து தப்பிக்கொள்வார்கள். இன்னும், அவ்வப்போது ஏதாவது ஒரு சாக்கில் , தமிழ் நாடாளுமன்ற உறுப்பினர்களைச்சந்தித்து, மறக்காமல் அவர்களுடன் நின்று புகைப்படம் எடுத்து, அதைப்பிரபலப்படுத்தி, தாம் மேல்மட்டங்களுடனெல்லாம் தொடர்புள்ளவர்கள் என்பதுபோல மாயை காட்டுவார்கள்.

யாராவது ஒரு நாடாளுமன்ற உறுப்பினர், இவர்களைச்சந்திக்க மறுத்தால்,

அவர்களைக் கீழ்த்தரமாகத்திட்டித் தமது வலைப்பூக்களில் செய்தி வெளியிடுவார்கள்.

இப்படிச்சேர்த்த பணத்திலேயே இலங்கைக்குச் சுற்றுலாப்பயணம் மேற்கொண்டு அங்குள்ள தமது உறவினர்கள் தெரிந்தவர்களுக்கெல்லாம் ஒருபகுதியைக்கொடுத்துவிட்டு , இவர்களுக்குத்தான் புதிய வாழ்க்கைதொடங்க உதவுகிறோம் என்று ஏமாற்றுவார்கள்.

முழுமையான வரவு - செலவுக்கணக்குகளைக்கூடக்காட்டமாட்டார்கள்.

“ சிறியதொகை தந்தவர்களின் பெயரை வெளியிட்டால் அவர்கள் மனவருத்தப்படுவார்கள் “ என்ற சாக்குச்சொல்லி

அரைகுறைக்கணக்குவழக்கையே வெளியிடுவார்கள்.

தட்டிக்கேட்க யாரால்முடியும்? புலியின் கதைதான் முடிந்துவிட்டதே! ... என்பதில் அசைக்கமுடியாத நம்பிக்கையுடையவர்கள் இவர்கள்!

இப்படியாகப் புலியைப்பார்த்த ‘யானைபார்த்த குருடர் ’ களில் -

முதலாவது வகையின் முதன்மூன்று பிரிவினர்தான் இவர்கள்.

இன்னும், இவர்களிடையேயும் , -

முகத்துக்கஞ்சி ...........யாடுவோர் என்ற ரகமும் இருக்கத்தான் செய்கிறது.அதாவது, புலி தொடர்பான ஆர்ப்பாட்டங்கள் - நிகழ்ச்சிகளை மனதார இவர்கள் தவிர்க்கவிரும்பினாலும் , அதை வெளிப்படையாகக் காட்டிக் கொள்ளமாட்டார்கள்.

தற்செயலாகத் தமிழீழம் கிடைத்துவிட்டால், அங்குள்ள தமது நிலபுலங்கள் வீடுகளைப் பார்க்கமுடியாமற்போய்விடுமே என்பதற்காக -

புலி ஆதரவாளர்கள் பார்க்கும்படியாக இடைக்கிடை அங்கு முகம் காட்டுவார்கள்.

அதிலும் இவர்கள் புத்திசாலித்தனமாக, புலி ஆதரவாளர்களால் நடாத்தப்பெறும் ‘மே தின ஊர்வலம் ’ போன்ற, இரண்டிற்கும் இடைப்பட்டவற்றிற்கே சமுகமளிப்பார்கள்.

இதன்மூலம், தமது துரோக வட்டத்தில் கேள்வி எழுந்தால், -

“ இவங்கடைக்கு ஆரும் போவாங்களே? நான் மேதின ஊர்வலம் எண்டபடியாத்தான் போனனான் “ என்று சொல்லித்தப்பிக்கொள்வார்கள்.

நானறிந்த இவ்வகையான ஒருவர், தனது பிள்ளைகளை, புலிவாடையே படக்கூடாது என்ற கரிசனையுடன் மிகவும் கவனமாகவே வளர்த்துவந்தார்.

ஆனால், அவரின் மூத்த மகன், கடந்த மாவீரர்தினத்திற்கு வந்திருந்தான்.

எதிர்பாரமல் என்னைச் சந்தித்தவன், தான் அங்கு வந்தமைபற்றித் தந்தையாரியம் சொல்லவேண்டாம் என்று என்னிடம் கெஞ்சிக்கேட்டுக்கொண்டான்.

நானும், ‘ அப்பன் அப்படி இருந்தாலும், இவனாவது இளைஞர் அமைப்புடன் சேர்ந்தியங்குகிறானே என்று சந்தோஷப்பட்டேன். பிறகுதான் தெரிந்தது - அவன் வந்தது , அங்குவரும் பெண்பிள்ளைகளைப்பார்ப்பதற்காக என்று...

இஃதெப்படியிருக்கிறது?

தமிழினத்தின் விடிவிற்காய் தம்மையே ஆகுதியாக்கிய அந்த ஒப்பற்ற மாவீரர்களுக்கான நினைவுநாள், எப்படியெப்படியெல்லாம் பயன்படுகிறது.

இப்படியானவர்கள் நமது சமுதாயத்தின் குள்ளநரிகள்.

இவர்களுடன் எதையும் மிகுந்த அவதானத்துடனேயே பகிர்ந்துகொள்ளவேண்டும்.

இன்னும் ஒருசில வினோதமான சனங்களும் இங்கு இருக்கத்தான் செய்கின்றன.

இவைகளைப்பொறுத்தவரை , ‘ இராமன் ஆண்டாலென்ன... இராவணன் ஆண்டாலென்ன....

ஒலிவாங்கியுடன் மேடை எங்கெல்லாம் கிடைக்குமோ , அங்கெல்லாம் தோன்றுவார்கள் இந்த ஈனப்பிறவிகள்.

புலிகள் களத்தில் நின்ற, கடந்த 2008வரை, துரோகிகளின் மேடை கிடைக்காமையால், வேறுவழியின்றி புலிகளுடனேயே நின்று

வீரவசனம் பேசித்திரிந்தவர்கள் -

தமிழகத்தலைவர்கள் தோன்றும் மேலைத்தேய மேடைகளிலெல்லாம் தலையைக்காட்டி, தம்மைப் பெருமிதப்படுத்திக்கொண்டவர்கள் -

2009 இலிருந்து புலிகளின் பின்னடைவைக்கண்டு மெல்லமெல்ல காணாமற்போகத்தொடங்கினர்.

அதுமட்டுமல்லாது துரோகக்குழுக்களைத் தேடிப்போகவும் தலைப்பட்டனர்.

இங்கு புலிகளின் மேடைகளில் பேசியவீர வசனங்களுக்கு முழுமாறாக , அங்கு சந்தர்ப்பம் கிடைக்கும்போதெல்லாம் , மறக்காமல் புலிகளையும் தலைவர் பிரபாகரனையும் தூற்றுவார்கள்.

இன்னும், ”தொலைந்தான் பிரபாகரன்.இனி பிரச்சினையில்லை; சும்மா சும்மா காசு காசெண்டு இங்கை வரமாட்டாங்கள்” என்று கூடிக்கதைப்பார்கள்.

இவர்களெல்லாம், புலியின் பலத்தைப் பார்க்காமல்,

மலத்தைமட்டும் பார்த்தவர்கள்.

ஒன்றிலிருந்து ஐந்துவரை அறிவுகொண்ட ஜந்துக்கள்!

அப்படித்தான் இருப்பார்கள்.

இவை மட்டுமல்ல... இன்னும் தினுசு தினுசாக எத்தனையோ ரகங்கள் உண்டு.அத்தனையையுமிங்கு அலசமுனைந்தால், இன்னும் நூறு பாகங்கள் முடிந்தாலும் இக்கட்டுரை முடியாது. எனினும், குப்பை கூளங்கள் என்றால் எப்படி இருக்கும் என்று அறிந்துவைத்திருந்தாற்றானே சமயத்தில் நாம் அவற்றைத்தவிர்த்து நடந்துகொள்ளமுடியும்?

இந்தக்காரணத்துக்காகத்தான் , இரண்டு பாகங்கள் முடியும்வரையில் இதை அலசவேண்டியதாயிற்று.

இனி, அடுத்த பாகத்தில் புலி ஆதரவாளர்களிடையே உள்ள முரண்பாடுகளையும் அதற்கான காரணங்களையும் விரிவான முறையில் ஆராய்ந்து அம்முரண்பாடுகளைக் களைவதற்கான வழிவகைகள் பற்றியும் ஆராய்வோம்.

மீண்டும் மூன்றாம் பாகத்தில் சந்திப்போம் உறவுகளே!

அன்புடன்

சிவம் அமுதசிவம்

யானை பார்த்ததுபோல் ‘ புலி ‘ யைப்பார்த்தவர்கள் - பாகம் 1

2011-04-07T13:53:00.009+02:00

’ கிளையில் அமர்ந்திருந்த கிளியின் கழுத்துப்போல ‘ மிகத்துல்லியமான பார்வையுடன் , திரு. வேலுப்பிள்ளை பிரபாகரன் அவர்களால் ஆரம்பித்துவைக்கப்பட்ட தமிழீழப்போராட்டமானது, -

‘ தடியெடுத்தவன் எல்லாம் தண்டல்காரன் ‘ என்பதுபோல்,

கணனி கிடைத்தவன் எல்லாம் தலைவனாகி, -

எதிரிக்காக, ஒன்றிற்குமேற்பட்ட பாதைகளைத்திறந்து செங்கம்பளம்விரித்து நிற்கிறது.

தமிழீழத்துக்கான எமது போராட்டம்,

தற்காலிகமாக முடங்கியுள்ளதேதவிர,

’முடித்துவைக்கப்படவில்லை ‘ என்பதை,

’ மௌனிக்கிறோம் ‘

என, மிகத்தெளிவாகத் தலைவர் குறிப்பிட்டுள்ளபோதிலும்,

அதைக்கணக்கிலேயே எடுத்துக்கொள்ளாமல்,

‘ புலிகளின் சகாப்தம் முடிந்துவிட்டது ‘

என்று மனனம் செய்வதிலேயே இன்பம்காண்பவர்கள்தாம் இங்கு அதிகமாக உள்ளனர்.

இதில் வேடிக்கை என்னவென்றால், இதுவரை காட்டிக்கொடுப்பு வேலைகளைமட்டுமே கனகச்சிதமாக்ச்செய்துகொண்டிருந்த பலர்,

‘ அண்ணை எப்ப சாவான் ; திண்ணை எப்ப காலியாகும் ‘ எனக்காத்திருந்ததுபோல -

இந்த இடைவெளியை நிரப்புவதில் போட்டிபோட்டுக்கொண்டு பொருளீட்டமுனைகின்றனர்.

ஆனாலும், இவர்கள் ,தமது துரோகமுகத்துக்கு , இனப்பற்று என அவர்களே சொல்லிக்கொள்ளும் ஒரு முகமூடியை அணிந்தபடியே புலம்பெயர்தேசத்துமக்களுள் வலம்வருகிறார்கள்.

அங்கு முள்வேலியிலுள் அல்லற்படும் மக்களுக்கு உதவிசெய்யப்போகிறோம் என்று சொல்லிக்கொண்டே பொருட்களாகவும் பணமாகவும் வசூலித்து தமது வாழ்வு வசதிகளைப்பெருக்கிக்கொள்கிறார்கள்.

உலகமே வியக்குமளவுக்கு இத்தனை அளப்பரிய தியாகங்களைச்செய்து, தமிழர்பிரச்சினைகளை உலகத்தின் கண்களுக்குத் தெரியவைத்த புலிகளைப்பற்றி இவர்களிடம்கேட்டால்,

“ இதைப்பற்றியெல்லாம் பேசிக்கொண்டிருக்க எமக்கு நேரமில்லை ; மக்களைப்பற்றித்தான் எமது கவலையெல்லாம்..... “

என்பதுபோன்ற தத்துவங்களை உதிர்த்துவிட்டு, -

புலம்பெயர்தமிழரைச்சுரண்டித் தமது வங்கிக்கணக்கை நிரப்புவதிலேயே குறியாக உள்ளனர்.

அனைத்துலக செஞ்சிலுவைச்சங்கத்திடமே தட்டிப்பறித்து, தங்களுக்கு ஆதரவான சிங்களருக்கு வழங்கும் மகிந்தா கும்பலுக்கு , இவர்கள் எம்மாத்திரம்?

அப்படி இவர்கள் தட்டித்தவறி ஏதாவது, தமது உறவினர்களுக்கு வழங்கும் திட்டத்துடன் கொண்டுபோனாலும், அது முழுமையாக கொழும்பைத்தாண்டாது என்பது சொல்லித்தெரியவேண்டியதில்லை.

செஞ்சிலுவைச்சங்கமானது, தான் கொண்டுபோன பொருட்களை, வினியோகம் செய்யும் இடத்தில்வைத்துத்தான் சிங்களக்காடையரிடம் பறிகொடுத்தது ; ஆனால், இவர்களோ தாமாகவே சிங்களரின் காலடியில்வைத்து, அதில் மிஞ்சும் ஓட்டை உடைசல்களைத்தான் அப்பால் கொண்டுபோகமுடியும். இதுதான் யதார்த்தம்.

யானை பார்த்த குருடர்கள் கதை நாமெல்லாம் சிறுவயதில் படித்ததுதான்.

ஒருவன் வாலைமட்டும் தடவிப்பார்த்துவிட்டு, யானை ‘ விளக்குமாறு ‘ போல் உள்ளது ‘ என்றானாம். மற்றவன், துதிக்கையைத்தடவிப் பார்த்துவிட்டு , உலக்கை போலுள்ளது என்றானாம். மற்றவர்கள் காலைத்தடவிப்பார்த்துவிட்டு ‘ தூண் ‘ என்றும், வயிற்றுப்பகுதியை ப்பார்த்துவிட்டு ‘ சுவர்’ என்றும் சொன்னார்களாம்.

இதைப்போலத்தான் இவர்களும்,----

மகிந்தாவின் பொய்ப்பிரச்சாரப்பீரங்கிகளை மட்டும் தடவிப்பார்த்துவிட்டு,

தம்மால் முடியாததை மகிந்தா செய்துமுடித்துவிட்டதாக, ஆனந்தத்தில் துள்ளிக்குதிப்பவர்கள்.

இந்த ரகத்தைச்சேர்ந்த இவர்கள் எக்காலமும் இப்படியேதான் இருப்பார்கள். இவர்களெல்லாம் முற்றாகப் புறந்தள்ளப்படவேண்டியவர்களே!

எனினும் இந்தப் புலி எதிர்ப்பாளர்களில் இன்னோருவகையினரும் இருக்கத்தான் செய்கின்றனர். அதாவது, தமக்கோ அன்றித் தமது உறவினருக்கோ போரின்போது ஏற்பட்ட பாதிப்புகளுக்காகப் புலியைக்குறைசொல்பவர்கள். இவர்களை ஓரளவு மன்னிக்கலாம் - இவர்களது அறியாமைக்காக....

ஈவிரக்கமேயில்லாமல் குழந்தைகளைக்கூட பொசுக்கித்தள்ளிய சிங்களக்காடையரைவிட்டு , மானங்காக்கவந்த மறவரைக் குற்றஞ்சொல்லும் இவர்கள் உண்மையிலேயே பரிதாபத்துக்குரியவர்களே!

இந்த வகையினரை வழிக்குக்கொண்டுவருவது, தமிழுணர்வாளர்களின் சாதுரியமான அணுகுமுறையிற்றான் தங்கியுள்ளது.

மேற்சொன்ன இவ்விரண்டு பிரிவினரையும்விட, இன்னொருபிரிவினரும் உள்ளனர்.

இந்தப்பிரிவினர்பற்றி இரண்டாம்பாகத்திற்காண்போம்.

----------- சிவம் அமுதசிவம்

ஈழத்துத்தும்மல் - எச்சரிக்கை தமிழா! எச்சரிக்கை!

2011-02-23T17:45:00.002+01:00

சினிமாவிலிருந்து ஒரு புதிய பூதம் கிளம்பியிருக்கிறது அரசியலுக்கு- பஞ்ச் டயலாக் உடன்.

தமிழனுக்கு விழும் ஒவ்வொரு அடியையும் தன்மீது விழுந்த அடியாக நினைத்துப்போராடுவாராம் -

அண்மைக்காலம்வரை தமிழனுக்குத்தலைவலியாகவும், சினிமாவில் தளபதியாகவும் இருந்த நடிகர் விஜய்.

அவரது டயலாக் இன்படி இதுவரை தமிழன் அடிவாங்கிக்கொண்டேயிருக்கிறானே!

இவர் முதுகில் எத்தனை ’தமிழ்த்தழும்புகள்’ வைத்திருக்கிறார்?

ஈழத்தில் தமிழன் கொத்துக்கொத்தாகக் கொல்லப்பட்டானே! அப்படிப்பார்த்தால், இவர் ஏழேழு தலைமுறைக்கும் உயிருடனேயே இருக்கக்கூடாதே!

இவ்வளவுக்குப்பிறகும், காங்கிரஸ் கட்சியிலேயே முக்கியபதவியைப் பெற்றுக்கொள்ள முயற்சித்தவர்தானே இவர்?

அதுவுமல்லாமல்,” ராகுலை ஏன் சந்தித்தீர்கள்?” என்ற நிருபர்களின் கேள்விக்கு, ராகுலின் கொள்கைகள் தனக்குப்பிடிக்கும் என்றும் , அதனாலேயே தாம் ராகுலைச்சந்தித்ததாகவும் ,திமிரோடு பதிலளித்தவர்தானே இந்த நடிகர் விஜய்?

ஈழத்தமிழர்களை ஒழித்துக்கட்டுவதையே தமது முக்கிய கொள்கையாகக்கொண்ட ராகுலைப்பிடிக்கும் என்றால் அதன் அர்த்தம்தான் என்ன?

தமிழனை வேரோடும் வேரடி மண்ணோடும் ஒழித்துக்கட்டுவது எனும் கொள்கை இவருக்குப்பிடித்திருக்கிறது என்றுதானே கொள்ளவேண்டும்?

இது வேறொன்றுமில்லை...

பெயரிடப்படாத விஜய் படத்துக்காக யாரோ எழுதிய வசனம். அந்த வசனத்தைப்பிரபலமாக்கி- பின்பு அதன்மூலம் படத்தைப்பிரபலமாக்கும் உத்தி இது.

ஈழத்தில் ஒருவன் தும்மினாலும்,அதை’ஈழத்துத்தும்மல்’ என்று பெயரிட்டு அதைப்பத்துமடங்கு பூதாகரமாக்கிப் பணம் பண்ணுவதைத்தவிர , உருப்படியாக என்னத்தைக் கிழித்துவிட்டார்கள் இவர்கள்?

கேவலம்,...அசின், அசித் திமிரையே அடக்கமுடியல - ஆ!...தவறு... விரும்பல.

குறைந்தபட்சமாக, திரையுலகிலிருந்து அவ்வப்போது நொதித்துச்சிதறும் நாற்றங்களை மறைக்கக்கூட முடியல.

தமிழைக் காப்பாத்தப்போறாராம் தமிழை.

முதல்ல, திரையுலக நாற்றத்திலிருந்து தமிழைக் காப்பாத்தட்டும்! தமிழ் தானாகவே வாழும்!

தமிழா! நீ எச்சரிக்கையாக இருக்கவேண்டிய நேரம் இது!

மீண்டும் மீண்டும் சகதியிலேயே போய் விழுந்துகொண்டிருக்காமல் -

தற்காலிக சுகங்களையே பெரிதென மதிக்காமல் -

நீண்ட தொலைநோக்குப்பார்வையுடன் வாக்களித்து, எமது எதிர்காலச்சந்ததியாவது

சுதந்திரமாக வாழ வழிவகுப்போமாக!
-- சிவம் அமுதசிவம்

சுபவீ / மனநோய்

2011-02-11T22:59:00.004+01:00

சுபவீ..... ஒரு மனநோய் வைத்தியநிபுணர்?

சுபவீ என்று அழைக்கப்படும் பேராசிரியர் சு.ப.வீரபாண்டியன் அவர்களுக்கு ஒரு பகிரங்கமடல்.

ஐயா! அண்மையில் மனநோய் என்பதற்கு நீங்கள் கொடுத்திருந்த வரைவிலக்கணம் மிகவும் அருமையாகவிருந்தது.

அதாவது, ‘மீனவர்கள் சிங்களரால் கொல்லப்படுவதற்கு, திராவிடமே காரணம் ‘ என்று யாராவது சொன்னால், அதுவே ’ஒருவகை மனநோய்க்கான அறிகுறி’ என்ற உங்கள் கண்டுபிடிப்பு உண்மையிலேயே பாராட்டப்படவேண்டியதொன்றுதான்.( நோபல்?| கின்னஸ்?)

எனினும், ’பேராசிரியர் எனும் நிலையிலிருந்து நீங்கள் , மனநோய்வைத்திய நிபுணர் எனும் அவதாரம் எடுத்தது எப்போது?’ என்பதுதான் எமக்குப்புரியவில்லை.

நீங்களே உதிர்த்த தத்துவத்தின் அடிப்படையில் , உங்கள் முதுகையே ஒருமுறை திரும்பிப்பாருங்கள் ஐயா!

மனநோயாளி யார் என்பது தானாகவே புரியும்.

நினைவிருக்கிறதா சுபவீ அவர்களே?

பார்வதியம்மாள் திருப்பியனுப்பப்பட்ட விவகாரத்தில்,

தோழர் தியாகுவுக்கு நீங்கள் என்ன பதில் கொடுத்திருந்தீர்கள்?

”இந்த நேரத்தில் முதல்வரை நான் எப்படித் தொல்லை செய்ய முடியும்?”

இது நீங்களே வெளியிட்ட தகவல்தான்.

இந்தப்பதில் சரியானதுதானா?

முதல்வர் என்றாலே, ’மக்களுக்காகத் தனது உடல், பொருள், ஆவி என்று அத்தனையையும் அர்ப்பணித்துக்கொண்டவர்’ என்பதுதான் பொருள்.

அதிலும் உங்கள் முதல்வரோ அனைத்துக்கும் ஒருபடிமேலே உள்ளவர் _ (உங்கள் கருத்துப்படி).

அதாவது, தமிழ்மொழி இன்று வாழ்ந்துகொண்டிருக்கிறதென்றால், அஃது அவராற்றான். உலகத்தமிழினத்துக்கே

ஒப்பற்ற ஒரு தலைவர் அவர் _ (உங்கள் கருத்துப்படி)

பார்வதியம்மாள் உலகத்தமிழினத்தின் ஓரங்கமில்லையா?

ஒரு நோயாளியாக வாசல்வரை வந்த தமிழ்த்தாயை, வரவேற்க ஓடோடிச்செல்லவேண்டியவரல்லவா அவர்?

பார்வதியம்மாளோ, வயதான ஒரு நோயாளி ; உங்கள் முதல்வரும் அப்படியா?

நாலாவது வாழ்க்கையில் அடியெடுத்துவைக்கத்துடிக்கும் ஒரு இளைஞனல்லவா உங்கள் முத்தானமுதல்வர்?

தமிழுக்காகவே உயிரைத்தக்கவைத்துக்கொண்டிருக்கும் அவரெல்லாம்,நேரம் காலம் பார்க்கலாமா?

இதை அவரே மறந்தாலும் , அவருக்கு மந்தி(ரி) போலியங்கும் உங்களைப்போன்றவர்கள் நினைவூட்டவேண்டாமா?

அடுத்து, நீங்கள் அதில் குறிப்பிட்டிருப்பது : இலண்டனிலிருந்து ஒருவர் தொலைபேசியில் தொடர்புகொண்டு, இதில் உதவி செய்யுமாறு கேட்டதற்கு, நீங்கள் ஏதோ ‘கிடுக்குப்பிடி‘ கேள்வி கேட்டு மடக்கிவிட்டதுபோன்ற எக்காளத்தொனியுடன் கூடியது.

அவர் கேட்டது ஒரேயொரு கேள்வி ; அதற்கு நீங்கள் கொடுத்ததோ மூன்று வெவ்வேறான பதில்கள் _ அதிலும் ஒருசில கேள்வி வடிவிலேயே.

அதில் முக்கியமானதொன்று : ”இப்போதுதான் கருணாநிதியையும் என்போன்றவர்களையும் உங்களுக்கு ஞாபகம்வந்ததா?” என்பதுதான்.

இதில், அந்த ‘ என்போன்றவர்கள் ‘ என்ற சொற்றொடரின்மூலம் எதைக்கருதினீர்கள் வீரபாண்டியரே?

நிச்சயமாக, ‘ துரோகிகள் ‘ என்பதைத்தானே இதிற் சொல்லாமற் சொல்லியிருக்கிறீர்கள்?

சாதாரணர்களான எமக்கே புரிவது, பேராசிரியரான உங்களுக்குப் புரியாமற்போகுமா?

இது எப்படி இருக்கிறது தெரியுமா?

”வீடு பற்றி எரிகிறது ; தீயை அணைக்க உதவிசெய் “ என்று கேட்டால், “ நீ நேற்றே சொல்லியிருந்தால் அணைத்திருப்பேன் ‘ இன்று நேரமில்லை “ என்பது போலல்லவா இருக்கிறது?

இதையெல்லாம் பார்த்தால், மனநோய் உள்ளவன் சொல்வது போல் தெரியவில்லையா உங்களுக்கு?

இனி, பிரபாகரனின் பெற்றோரை, ’இந்தியாவுக்குள் நுழைய அனுமதிக்கக்கூடாது’ என்று ஜெயலலிதா கடிதம் எழுதியதைக்கண்டிக்காதவர்கள்... என்று பழையபுராணம் பாடுகிறீர்களே!

அந்தநேரம் நீங்கள் எங்கு போயிருந்தீர்கள்?

புலிகளின் பணத்தில் உல்லாசப்பயணம் மேற்கொள்பவர் எனும் குற்றச்சாட்டுக்கு ஆளாகும் அளவுக்கு, தீவிர(?)_ புலி ஆதரவாளராக அறியப்பட்டவர்தானே நீங்கள்?

ஒருவார்த்தை கண்டித்துப்பேசியதுண்டா?

ஏன்? அதிகம் வேண்டாம் ; நீங்கள் இன்று தூக்கிப்பிடிக்கும் திமுக கூட எவ்விதமான எதிர்ப்பும் காட்டவில்லை என்பதுதான் உண்மை.

ஏற்கெனவே ‘ இம் என்றால் சிறைவாசம்; ஏனென்றால் வனவாசம்’ என்றிருக்கும் இந்தியாவில், அன்று தடாபோடா என்று என்னென்னமோ கொடுஞ்சட்டங்களெல்லாம் இருந்தது நீங்கள் அறியாததா?

நீங்கள்கூட அதில் நேரடியாகப்பாதிக்கப்பட்டவர்தானே?

இதில் யாரால் வாய்திறக்கமுடியும்?

‘ ஜெயலலிதா நெஞ்சில் குத்தினார் ;கருணாநிதி முதுகில்அல்லவா குத்திவிட்டார் ‘

இந்தப்பொன்மொழி ஞாபகத்தில் இருக்கிறதா? இதை உதிர்த்தவர் வேறு யாருமில்லை ;சாட்சாத் சு.ப.வீரபாண்டியன் என்கிற நீங்கள்தான் ஐயா! நினைவாற்றல் மிகுந்தவரல்லவா நீங்கள்? எனவே, புலம்பெயெர் தொலைக்காட்சியொன்றில், அன்று திருவாய் மலர்ந்தருளியதை நிச்சயமாக மறந்திருக்கமாட்டீர்கள்.

அவ்வப்போது மனதிற்தோன்றுவதையெல்லாம் பேசுகிறீர்கள்....

உங்களைத்தவிர மற்றவர்களெல்லாம் , நினைவாற்றலே அற்றவர்கள் என்று நீங்களே முடிவெடுத்துவிடுகிறீர்கள்............

இதுமட்டும் மனநோயாகத்தெரியவில்லையா உங்களுக்கு ?

இனி, விடயத்துக்கு வருவோம்.

அன்றாட வயிற்றுப்பிழைப்புக்காக, காற்று, மழை, வெயில் என்றெல்லாம்பாராது, கடற்றொழிலில் ஈடுபடும் மீனவர்களை , ஏதோ தெருநாய்களைச்சுட்டுத்தள்ளுவதுபோல, சிங்களக்கடற்படை சுடுவதும், அதற்கு உங்கள் முதல்வர் அழகுதமிழ்தேடி, அவரது சொக்கத்தங்கம் சோனியாவுக்குக் கடிதம் எழுதிக்கொண்டிருப்பதுவும்கூட உங்களுக்குப்பெரிதாகப்படவில்லை.

உயிருக்காகப்போராடும் ஒருவனைக்காப்பாற்ற, அம்புலன்ஸ் எனப்படும் அவசரஉதவி வண்டிக்கு யாராவது கடிதம் எழுதி அனுப்பினால், அந்த நபரை என்னென்பது?

அதைத்தானே உங்கள் முதல்வர் செய்துகொண்டிருக்கிறார்?

இந்த மனநோயைக் கண்டுகொள்ளாமல்விடுவதற்காக, அங்கிருந்து எவ்வளவு கிடைத்தது உங்களுக்கு?

யாரோ சென்னையில் ஒரு பதாதை வைத்துவிட்டார்கள் என்று , அதற்கு மனநோய்ப்பட்டம் சூட்டுகிறீர்கள்.

‘ திராவிடத்தின் பெயரால் நாம் தொடர்ந்து ஏமாற்றப்பட்டதால், இப்படிப் படுகொலைகள் தொடர்கின்றன’

இந்தக்கூற்றில் என்ன தவறு உள்ளது என்று இப்படிப்புலம்புகிறீர்கள்?

ஒருவேளை இதையே,

’திராவிடத்தின் பெயரால் சென்னையில் மழைபெய்யவில்லை’

என்று பதாதை வைத்திருந்தால், நீங்கள் சொன்னதில் நியாயம் இருந்திருக்கும்.

ஆனால், திராவிடத்தின்பெயரால் தமிழன் ஏமாற்றப்படுகிறான் என்பது தமிழகஅரசியலை அறிந்தஅனைவரும் அறிந்ததொன்றுதானே!

மாறிமாறி ஆட்சிக்குவரும் திராவிடக்கட்சிகள், தமிழர்நலன்களைப் புறக்கணிக்கின்றன என்பதை அறிந்துகொள்ள, பூதக்கண்ணாடியாவேண்டும்?

மாறாக, மலேசியாவின் பினாங்குமாநில துணைமுதல்வர் பேராசிரியர் பி.இராமசாமி போன்ற, தமிழுணர்வாளர் ஒருவர் தமிழகத்தின் முதல்வரானால், காவிரிப்பிரச்சினை தொடங்கி , மீனவர் பிரச்சினைவரை எப்போதோ முடிவு கிடைத்திருக்கும்.

இப்போது சொல்லுங்கள் _ யார் மனநோயாளி?

தயவுசெய்து உங்களை நீங்களே சுயபரிசோதனை செய்துகொள்ளுங்கள் _ ஒரு மனநோய்வைத்திய நிபுணராக.

இஃதே உங்களுக்கும் நல்லது ; தமிழினத்துக்கும் நல்லது.

இப்படிக்கு

சிவம் அமுதசிவம்

2010-12-26T12:20:00.006+01:00

பொள்ளாச்சி நசன் ஐயாவின் இடைவிடாத தமிழ்ப்பணி

அன்புடையீர் வணக்கம்

thamizham - கல்விக்கான நேரடிப் பகிர்வு

http://www.livestream.com/thamizham

மேற்காணும் இணைப்பின் வழியாக நேரடியாக தமிழ்க் கல்வி பற்றிய
செய்திகளைப் பகிர்ந்து கொள்ள விரும்புகிறேன்.

ஒவ்வொரு காரிக் கிழமையும் இந்தப் பகிர்வை நிகழ்த்த விரும்புகிறேன்.

தமிழ்க் கல்வி தொடர்பாக உங்களின் வினாக்கள்
உங்கள் தமிழ்ப் பள்ளிக்குத் தேவையான கருவிகள், பாடத்திட்டங்கள்
மாணவர்களுக்கான பிரச்சனைகள் அதைச் சரி செய்ய கருததுருக்கள்
மாணவர்கள் ஆற்றலோடு எழுவதற்கான படிநிலைகள்

இன்றைய பாடத்திட்டம் - அதன் குறைகள் எப்படி சரிசெய்து
நிறைவாக்கி எதிர்கால நாற்றுகளான மாணவர்களை எப்படி
வளர்த்தெடுப்பது என்பதற்கான வழி முறைகள்

இதுபோன்ற கல்வி தொடர்பான செய்திகளை வரிசைப் படுத்தி
உங்களோடு பகிர்ந்து கொள்ள விரும்புகிறேன்.

நேரம் தமிழக நேரப்படி இரவு 7.30 முதல் 8.00 வரை
ஒவ்வொரு காரிக் கிழமைகளிலும் (சனிக்கிழமைகளிலும்)
நிகழ்த்த விரும்புகிறேன். முதல் பகிர்வினை
04- 01 - 2011 அன்று தொடங்கத் திட்டமிட்டுள்ளேன்

உலகம் முழுவதும் உள்ள தமிழ் கற்பிக்கும் பள்ளிகள்
இதனைப் பயன்படுத்திக் கொள்ளுமாறு அன்போடு வேண்டுகிறேன்

உங்களுக்கான பிரச்சனைகளை மின் அஞ்சல் வழி அனுப்பி
வைத்தால் அதற்கான தீர்வும், அணுகுமுறையும் இந்த நேரத்தில்
பகிர்ந்து கொள்ள வாய்ப்பாக இருக்கும்.

இந்த நிகழ்வு பற்றிய உங்களது ஆலோசனைகளையும், கருத்துகளையும்
மின் அஞ்சல் செய்யுமாறு வேண்டுகிறேன்.

அன்புடன்
பொள்ளாச்சி நசன்
ம.நடேசன்,., க.மு., அறி.மு., கல்வி.மு., தொ.தூ,க.,
மின் அஞ்சல் - pollachinasan@gmail.com - pollachinasan@yahoo.com

Hawaii marching band formation of a ball being kicked

2010-12-20T13:54:00.000+01:00

2010-12-08T21:36:00.003+01:00

குறைந்தபட்ச ஆறு வித்தியாசங்கள்

2010-07-04T00:18:00.007+02:00

இரண்டு படங்களையும் நன்கு உற்றுப்பாருங்கள்.

தமிழனின் இரத்தங்குடித்த சாயல் தெரியவில்லை?

அரசியலும் சரி;

தனிப்பட்ட வாழ்விலும் சரி; இவர்களுக்கிடையில் குறைந்தபட்ச ஆறுவித்தியாசங்கள்கூட

காண்பது கஷ்டம்.

ஆனால், ஒற்றுமைகளோ.....

ஏராளம் ஏராளம்!

உளதோ இலதோ என்று கண்டுபிடிக்க முடியாத வாழ்க்கைத்துணைகள்.

ஆளுக்காள் இலக்கியநயத்தோடு பரிமாறிக்கொள்ளும் பட்டங்கள்!

அப்பப்பா! இவர்கள் இருவரதும் கூட்டுத்தயாரிப்பில் அவ்வப்போது வெளிவரும் நகைச்சுவைக்காட்சிகள் வெகு அபாரம்!

தமிழனிடமே கொள்ளையடித்துத் தமிழன் தலையிலேயே சம்பல் அரைக்கலாம் எனும் தொழிநுட்பத்தைக்கண்டுபிடித்தவர் தாமாக இருந்தாலும் , தமது அனுமதியின்றி அதே தொழிநுட்பத்தைப் பயன்படுத்தி, தம்மைவிடவும் அதிகமாக ஜெயலலிதா சம்பாதித்துவிட்டாரே என்பதில் கருணாநிதிக்குப் பொறாமை. இதனால்,காந்தாரி- பூலான்தேவி இப்படியான பல பட்டங்களை அள்ளி வழங்கியிருந்தார். பதிலுக்கு அந்த அம்மாவும் தமது அறிவுக்கெட்டியவரை,

‘ மைனாரிட்டி அரசு’ அப்படி இப்படி என்று ஏதேதோ புலம்பிக்கொண்டிருந்தது. ஆனாலும் அண்மைக்காலமாக இவர்களது சாக்கடை அரசியலுக்குத் தீனிபோடுவது என்னவோ ஈழத்தமிழர்களின் விலைமதிப்பற்ற உயிர்களே!

”நான் பதவியிலிருக்கும்போது, நீ ஆதரவுபோலக்க்காட்டிக்கொள்! ---

நீ இருக்கும்போது நான் காட்டிக்கொள்கிறேன்” என்பது இவ்விருவருக்குமிடையே எழுதப்படாத - பேசப்படாத

ஒரு புரிந்துணர்வு ஒப்பந்தம்!

இதிலும் தொட்டு / அதிலும் தொட்டு

இது தேவைப்படும்போது அதைத்தூற்றி _

அது தேவைப்படும்போது இதைத்தூற்றி

அடடா! என்ன ஒரு சாணக்கியமான நகர்வு!

அதற்காக, இவர்களொன்றும் பெரிய சாணக்கியர்கள் என்று அர்த்தம் இல்லை.

அவ்வளவுக்கு, தமிழன் இளிச்சவாயன் ஆக இருக்கிறான்.

இதில் நூறில் ஒருபங்கு கூட எங்கே அடுத்தமாநிலங்களில் அவியுமா?

தமிழீழமோ / தமிழகமோ _ தமிழனிடம் எல்லாம் அவிகிறது.

கருநாடகத்திலோ\ ஆந்திராவிலோ நின்று அவர்களது மொழியை இரண்டாந்தரமானமொழி என்று சொல்லிவிட்டு எவரும்

எல்லைதாண்டவே முடியாது.

ஆனால், தமிழகத்தில், தமிழனின் பணத்திலேயே மேடைபோட்டு, நாள்கணக்கில் நின்று சொல்லமுடிகிறதே! உலகிலேயே தமிழனைவிட இளிச்சவாயன் இல்லை என்பதற்கு இதைவிடவும் என்ன அத்தாட்சிவேண்டும்?

இப்போது புத்தம்புதியவெளியீடாக ஒரு நகைச்சுவைக்காட்சி வந்திருக்கிறது. ஏனெனில், தேர்தல் வருகிறது இல்லையா?

ஈழத்தமிழனுக்கு உருகுவதுபோல தலையங்கத்தை இட்டு, காங்கிரசுக்கு ஆதரவாக தாம் என்னென்ன செய்திருக்கிறோம் என்பதைக் காங்கிரசுக்குக் குறிப்பால் உணர்த்துகிறார்கள் இருவரும் ! இது காங்கிரசுக்கு மட்டுமே புரியும் என்பது இவர்கள் இருவருக்கு மட்டுமே புரியும்.

இதில், தம்மைவைத்து இவர்கள் ‘ காமெடி’ பண்ணுகிறார்கள் என்றவிடயம் தமிழனுக்குப்புரியாது என்பதற்காகத்தான் , இந்தத்தலைப்பில் அது நடக்கிறது என்றவிடயம் காங்கிரசுக்கும் புரியும்.

இவர்களின் நகைச்சுவை விவாதங்களைத்தொகுத்து, புள்ளிகள் வழங்கி

யார் அதிக மதிப்பெண் பெறுகிறாரோ

அவருக்கே அடுத்த கூட்டணிக்கான அழைப்பு காங்கிரசிடமிருந்து கிடைக்கும்.

தமிழினத்துக்கே ஒரு இக்கட்டான நேரம் இது!

ராசபச்சேயைத்தூக்கிலிடுவதால் மட்டும் , தமிழனுக்கு விடிவு வந்துவிடுமா என்று உலகத்தமிழர்கள் ஆராய்ந்துகொண்டிருக்கும் நேரம் இது!

ஒரு ராசபச்சேயைத்தூக்கிலிட்டுவிட்டு , மற்றொரு ராசபச்சேயிடம் எம்மை

இந்த உலகம் ஒப்படைத்துவிடுமோ என்று தமிழன் எச்சரிக்கை அடையவேண்டிய நேரம் இது!

எமது இலக்கு ,தமிழீழம் என்பதிலிருந்து திசைமாறி - ராசபச்சேக்களைத் தூக்கிலிடுவதுடன் முடிந்துவிடுமோ என்று , தமிழுணர்வாளர்களெல்லாம் அச்சத்துடன் நோக்கும் நேரம் இது !

இத்தனை குழப்பங்களில் தவிக்கும் தமிழனையே பயன்படுத்தி, தனது அரசியல் எதிரியை அழித்தொழிக்க நினைக்கிறார் ஜெயலலிதா!

ராசபச்சேஉடன் சேர்த்து கருணாநிதியையும் தூக்கிலேற்றிவிட்டால்.....

பிறகென்ன? காலாகாலத்துக்கும் தாம்தானே தனிக்காட்டுராணி!

மனப்பால் குடிக்கிறார்.

போகிறபோக்கைப்பார்த்தால், நூறு தாண்டினாலும் இது போகாது போல இருக்கே! அச்சம் தலைதூக்க ஆரம்பித்துவிட்டது அம்மாவுக்கு. எனவே -

கருணாநிதியையும் போர்க்குற்றவாளிகள் பட்டியலில் சேர்த்துக்கொள்ளட்டாம் !

தமிழர்களுக்கு அறைகூவல் விடுக்கிறார்.

ஏன் ? இத்தனைக்கும் காரணமான சோனியாவைச் சொல்லவேண்டியதுதானே!

ஆங்.... சொல்லமாட்டார். அது ஒருகாலத்தில் பார்த்துக்கொள்ளலாம். இப்போதைக்கு அது தேவை. முதலில் இதை முடிப்போம் என்று முடிவெடுத்துவிட்டார் முன்னாள் முதல்வர் அம்மா!

இந்த ஆறுவித்தியாசங்களை யான் ஆராயத்தொடங்கிய நேரத்துக்கு இப்போது அடுத்த காட்சியும் வெளியாகிவிட்டது.

‘ புலிகளைக்கொன்றது சரியானது என்றுதான் முன்னமே தாம் சொல்லியிருந்ததாக நினைவுபடுத்தி, சோனியாவிடம் தமக்கு முன்னுரிமை கேட்கிறார் ஜெயலலிதா!

விட்டால் இவர்கள் இருவருமே , தேர்தல் முடியும்வரை இப்படி ஏதாவது புஷ்வாணம் விட்டுக்கொண்டேயிருப்பார்கள்.

அதனால், எனது கட்டுரையை நான் இப்போதே வெளியிடுகிறேன்!

தமிழா! நீ முட்டாளல்ல எனும் முடிவை நீ எப்போது வெளியிடப்போகிறாய்?

நன்றாக உணர்ந்து கொள்!!

நீ தமிழன் ! நான் தமிழன்!! நாம் தமிழர்!!!

நீதியின்பால் இக்பால்

2010-06-16T14:59:00.019+02:00

சபாஷ் இக்பால் ! சபாஷ் !

தமிழுக்குக் கைகொடுத்த தங்கள் செய்லுக்காக, தமிழுணர்வாளர்கள் தலைவணங்கிநிற்கிறோம்.

’நீதிக்குத்தலைவணங்கு’ என்ற, மக்கள்திலகத்தின் கூற்றுக்கிணங்க நீங்களும் ஈழவரலாற்றில் இடம்பெற்றேவிட்டீர்கள்!!

கடந்த 10.06.2010 அன்று, பெல்ஜியம் நாட்டின் தலைநகர் பிரஸ்ஸல்ஸ் இல் நடைபெற்ற ‘ போருக்குப்பின்னான இலங்கையின் முரண்பாடுகள் ’(Srilanka in the Post – Conflict Situation) எனும் தலைப்புடன் நிகழ்ந்த, விசேட கலந்துரையாடலொன்றில், வழக்கமான

பொய் புளுகு மூட்டைகளுடன் , கேலியும் கிண்டலும் கலந்து அட்டகாசம் செய்துகொண்டிருந்த சிங்களக் கும்பலொன்றை, மண்கௌவச்செய்திருக்கிறார் இந்த M.C.M.இக்பால் எனும் மகத்தான மனிதர்.

தமிழர்கள் சார்பாக, BTF (British Tamil Forum) எனப்படும் ‘பிரித்தானிய தமிழர் பேரவைத்தலைவர் திரு, சுரேன் சுரேந்திரன் அழைக்கப்பட்டிருந்தும், என்ன காரணத்தினாலோ அவர் அங்கு சமுகமளித்திருக்கவில்லை.

இதனால்,கேட்பார்மேய்ப்பார் இல்லாமல்,சிங்களர் சார்பில் அழைக்கப்பட்டிருந்த, திரு.டலஸ் விக்கிரமரட்ன என்பவர் கதாநாயகவேடங்கட்டத்தொடங்கியிருக்கிறார் அங்கு.

போதாக்குறைக்கு, பெல்ஜியத்துக்கானதும் ஐரோப்பிய ஒன்றியத்துக்கானதுமான , இலங்கைத்தூதர் திரு.ரவிநாத் ஆரியசிங்கே என்பவரும் அவருடன் கூட்டுச்சேர்ந்துகொண்டு,தமிழர்கள்மீது சேற்றைவாரிஇறைத்திருக்கிறார்.

இவர்கள் இருவருமே வாயடைத்துநிற்கும்படியாக. தகுந்த ஆதாரங்களுடன் ,தமிழீழத்தின் உண்மைநிலையை அங்கு போட்டு உடைத்திருக்கிறார்

திரு M.C.M.இக்பால் அவர்கள்.

சிங்களரின் உளறல்களும், இக்பால் அவர்களின் பதிலும் :-

•தமிழ், அரசகரும மொழியாகப்பிரகடனப்படுத்தப்பட்டுள்ளது ; இதனால் அங்கு( ஸ்ரீலங்காவில்) மொழிப்பிரச்சினையே கிடையாது.

*மொழி உரிமை என்பது வெறும் காகிதத்திலேயே உள்ளது . இலங்கையில் உள்ள தமிழர் எவராவது ஒரு கடிதத்தை அரசாங்க திணைக்களத்திற்கு தமிழில் எழுதி அதற்கான பதிலைத் தமிழிலும் பெற முடியுமா?

இதை அரசபிரதிநிதியைப்பார்த்து ஒரு சவாலாகவே திரு.இக்பால் கேட்டிருந்தார்.அதற்குப்பதிலளித்த அரசபிரதிநிதி:

• ‘அதற்கான வேலைகள் ஆரம்பிக்கப்பட்டுள்ளது ; விரைவில் தமிழிலேயே பதிலைப் பெறக்கூடிய நிலை வரும்’ என்று பாதி பொய் | பாதி உண்மையாகப்பதிலளித்தார்.

அது என்ன? பாதி பொய் - பாதி உண்மை.....

‘அதற்கான வேலைகள் ஆரம்பிக்கப்பட்டுள்ளது’ என்பது பொய்!

ஆனால், ’விரைவில் தமிழிலேயே பதிலைப்பெறக்கூடியநிலை வரும்’ என்பது உண்மைதானே! அதாவது. தமிழீழத்தில்!

(அந்தச் சிங்களனின் வாய்க்குள் சர்க்கரையல்ல... எதுபோட்டாலும் தகும்.)

மேலும் ,தொடர்ந்த அதிரடிப்பதில்கள் :

• வடக்கு கிழக்கிற்கு வெளியே பெருமளவான தமிழ் மக்கள் சந்தோஷமாக வாழ்கிறார்கள். தலைநகர் கொழும்பில் தமிழ் பேசுவோரின் எண்ணிக்கையே அதிகம்.

*அவ்வாறானால் ஏன் கொழும்பிலுள்ள இரண்டு பிரதான உதவி அரச அதிபர் காரியாலயங்களுமே தமிழில் பணியாற்றுவதில்லை? தமிழ் பேசும் மக்கள் அங்கு தமது கருமங்களை ஆற்றுவதில் இடர்ப்படுகின்றனர். ஏனெனில் அந்த மக்களுக்குச் சிங்களம் தெரியாது. அதேவேளை அந்த உதவிஅரசஅதிபர்அலுவலகத்தில் பணியாற்றுபவர்களுக்குத் தமிழ் தெரியாது.

•தமிழர்களுக்குஎதிராகநடந்தகலவரத்தைஆராயநியமிக்கப்பட்ட சன்சோனிக்கமிசன், நடைபெற்ற கலவரத்துக்கு அரசாங்கத்தையோசிங்களவர்களையோ குற்றம் சாட்டவில்லை.

* சன்சோனிக்கமிசனின் அறிக்கையில் உள்ளடக்கப்பட்டிருந்த விடயங்கள் குறித்து மக்கள் அறிந்து கொள்வதை அன்றைய அரசாங்கம் விரும்பவில்லை என்பதால் சன்சோனிக்கமிசன் அறிக்கை வெளியிடப்படவில்லை. ஆக, நடைபெற்ற கலவரத்திலிருந்து சிங்களவர்களையோ, அரசாங்கத்தையோ சன்சோனிக்கமிசன் விடுவித்துவிட்டது என்று எப்படிக்கூறமுடியும்?

• கதிர்காமர் போன்ற முக்கியபிரமுகர்களை விடுதலைப்புலிகள் கொன்றனரே!

* கதிர்காமர் கொலைவழக்கு விசாரணை இன்னமும் முடிவடையவில்லை. எனவே யார் கொன்றார்கள் எனத் தெரியவராத நிலையில் இவ்வாறு அறிக்கையிடுவது பொருத்தமற்றது. உதலகம ஆணைக்குழுவிற்கு முன்னால் இருந்த மிகமுக்கியமான மனிதஉரிமைமீறல் விசாரணைகளில் இதுவும்ஒன்று. ஆனால், கதிர்காமர்கொலை உட்பட பலமுக்கியமான விடயங்களை விசாரிப்பதற்காக நியமிக்கப்பட்ட அவ்வாணைக்குழு, எந்த விடயம் தொடர்பாகவும் தனது விசாரணைகள் எவற்றையும் பூர்த்தியாக்க முன்னரேயே அரசாங்கத்தால் கலைக்கப்பட்டது

• சிறிலங்காவினுடைய அரசர்களுடைய பண்புகள் உயர்ந்தது ; குறிப்பாக துட்டகைமுனு எனும் சிங்கள மன்னன் போரில் கொல்லப்பட்ட தனது எதிரியான எல்லாளனுக்கு நினைவுத் தூபி கட்டினான். சிங்கள மக்களது மற்றும் ஆட்சியாளர்களது பண்பும் அதனடியானது.

* பல தமிழ்மன்னர்கள் யாழ்ப்பாணத்திலிருந்து ஆண்டார்கள் .

இலங்கையை இறுதியாக ஆண்ட பல தமிழ்மன்னர்கள் கண்டியிலிருந்தே ஆட்சிபுரிந்தார்கள் . அவர்கள் புத்தருடைய புனித தந்தத்திற்குப்

பாதுகாவலர்களாக இருந்தார்கள்

• இலங்கைக்கு என்றொரு வரலாற்று ரீதியான நீண்ட ஜனநாயகப்பாரம்பரியம் உண்டு.

* இலங்கை தனது சுதந்திரத்திற்குப் பிற்பட்ட வரலாற்றுக் காலத்தில் பெரும் காலத்தை அவசரகாலச்சட்ட நிலைகளுக்குக் கீழேயே கழித்திருக்கிறது.அவசரகாலச்சட்டம் சாதாரண சட்டங்களை வலுவற்றதாக்கி விட்டது. இக்காலகட்டங்களில் மக்களுடைய சுதந்திரம் பறிக்கப்பட்டு விடுகிறது . நாட்டின் ஜனாதிபதி அரசியலமைப்புச் சட்டத்தின்படி நாட்டை பரிபாலிப்பதாக சத்தியப்பிரமாணம் செய்தே பதவி ஏற்கிறார். ஆனால், அரசியலமைப்புச் சட்டத்தில் உள்ள 13 மற்றும் 17வது திருத்தங்களை அவர் மீறி விட்டுள்ளார். சாதாரணமாக இலங்கையில் ஜனநாயகம் என்பதே நடைமுறையில் இல்லை எனலாம் .

•இடம் பெயர்ந்த மக்களில் பெருமளவானோர் மீள்குடியமர்த்தப்பட்டு விட்டனர். அவர்கள் தமது வீடுகளுக்குத் திரும்பியது குறித்து மகிழ்ச்சி அடைந்துள்ளனர்.

* இந்தத் தகவல் தவறானது. பெருமளவான இடம் பெயர்ந்த மக்கள் கடும் துன்பமுறுகின்றனர். அவர்களுடைய கிராமங்களில் அவர்களுக்கு வாழ்க்கை இல்லை என்றாகி இருக்கிறது. அவர்களுக்கு வாழ்க்கைச் செலவுக்கு வழங்கப்படுவதாக உறுதியளிக்கப்பட்ட பணம் இன்னமும் வழங்கப்படவில்லை. பெருமளவான வீடுகளும் கட்டிடங்களும் சிதைவடைநது போய் இருக்கின்றன. கூடவே தெருக்களும் பாலங்களும் பாடசாலைகளும் வைத்தியசாலைகளும் நீர்விநியோகமும் சிதைவடைந்து போய்உள்ளன. ஆக, அவர்கள் ஒரு இக்கட்டான அவலத்துக்குரிய நிலைமைக்குள்ளேயே வாழ்கிறார்கள்.

அவ்வளவுமே ‘நச்’ என்ற பதில்களாக இல்லையா? ஆதாரங்களுடன் கொடுக்கக்கூடிய பதில்கள் அத்தனையையுமே, மிகத்தெளிவாகக் கொடுத்திருக்கிறார் திரு.இக்பால்.

திரு.சுரேன் சுரேந்திரன் போயிருந்தாலே, இவ்வளவு கச்சிதமாக அமைந்திருக்காது.வாதம் வேறுதிசையில் திரும்பினாலும் திரும்பியிருக்கும்.

இதனாற்றான், திரு சுரேன் சுரேந்திரன் தவிர்த்துக்கொண்டாரோ என்னமோ?

ஏற்கெனவே, அல்ஜசீராவுக்கு மகிந்தா வழங்கியசெவ்வியில் குறிப்பிட்டிருந்த_ ‘புலம்பெயர்தமிழர் நாடுதிரும்பமாட்டார்கள் ‘ என்று பாடிய பாட்டைத்தான் இங்கும் பாடியிருக்கிறார்கள் அந்தப்பராரிகள்.

ஆனால், திரு.இக்பாலைப்பொறுத்தவரை, இவர்கள் எதுவுமே வாய்திறக்கமுடியாது; ஏனெனில்,

இவர் இலங்கையின் சிவில் நிர்வாக அதிகாரியாக 40 வருடங்கள் பணியாற்றியவர். முன்னாள் பிரதமர் சிறீமாவோ பண்டாரநாயக்காவின் ஆட்சியில் வெளிவிவகார சேவையில் பணியாற்றியவர். மேல்மாகாண சபையின் ஆளுநர் சர்வானந்தாவின் செயலாளராக_ முன்னாள் ஜனாதிபதி அமைத்த காணாமல் போனோர் தொடர்பான ஆணைக் குழுவின் செயலாளராக _ பின்னர் ஜனாதிபதி மகிந்த ராஜபக்ஸ நியமித்த நிபுணத்துவ ஆணைக்குழுவின் ஆலோசகராகவும் பணியாற்றியவர். இப்போது எழுத்தாளராகவும், ஆய்வாளராகவும் இலங்கையின் உள்நாட்டுமுரண்பாடுகள் குறித்து எழுதியும் வருகிறார்.

இவ்வளவு அனுபவம் கொண்டவரிடம் எப்படி வாலாட்டமுடியும்?

எல்லாவற்றிற்கும் மேலாக யாழ்ப்பாணத்தில் பிறந்து, யாழ் இந்துக் கல்லூரியில் கற்று, பல்கலைக்கழகம் சென்றஒரு யாழ் முஸ்லீம் என தன்னைக் கூறிக்கொள்வதில் பெருமை கொள்பவர் இந்த இக்பால்.

இலங்கையின் சார்பில் அழைக்கப்பட்ட ஏனையஊடகவியலாளர்களான சுனந்த தேசப்பிரிய, நடராஜா குருபரன், ராதிகா தேவகுமார் ஆகியோரும் தமது கருத்துக்களைத்தெளிவாகவே வலியுறுத்தியிருந்தனர்.

ஆயினும், ஒரு முஸ்லிமாக இருந்தும் நீதியின்பால் நின்ற இக்பால் வாழ்க!!

’ காதுல பூ ‘ - கா.சிவத்தம்பி

2010-06-08T16:39:00.012+02:00

யார் வேண்டுமானாலும் - எது வேண்டுமானாலும் சொல்லலாம் ; இப்படி ஒரு நிலை இன்று தமிழுக்கு.......

தமிழன் என்றதுமே, கடைநிலைச்சிங்களவன்கூட காறித்துப்புகிறான்.

அவன் காறித்துப்புவதிலும் ஒரு நியாயம் இருக்கத்தானே செய்கிறது?

சொந்த இனத்தையே கருவறுப்பதில், எதிரிக்குத் துணை நிற்கும் எட்டப்பர்கள் பெருகிவிட்ட இனமாகிவிட்டது இன்று தமிழினம்!

அடடா! காட்டிக்கொடுப்பில்தான் எத்தனை ரகம்?

விட்டால், ‘ காட்டிக்கொடுப்பது எப்படி?’ என்று ஒரு புத்தகமே போட்டு விற்றுவிடுவார்கள் போலிருக்கிறது.

அறப்படித்த பேராசிரியர்கள் தொடங்கி, அறவே படியாத தற்குறிகள்வரை, தினிசுதினிசாகக் காட்டிக்கொடுக்கிறார்கள்.

என்ன.... இவர்களுக்கிடையில் ஒரேயொருவித்தியாசம்.....!

பாமரன் வெளிப்படையாகவே ,எதிரிபோடும் எலும்புத்துண்டுக்கு ஆசைப்பட்டதைக்காட்டிக்கொள்கிறான் ;

ஆனால், இந்தப் பெரீ...ய பேராசியர்களோ, தாம் ஏதோ தமிழினத்தையும் தமிழ்மொழியையும் தாங்குவதற்காகத்தான் இதெல்லாம் செய்கிறோம் என்பதுபோலப் பாவனை காட்டிக்கொண்டே, எதிரியின் கால்களைக் கழுவியேகுடித்துவிடுகிறார்கள்.

தாம் கற்றதமிழை, நூல்களாகவும்,ஒலிநாடாக்களாகவும் தமிழர்களிடமே விற்றுப்பணமாக்கியது போதாதென்று – தமிழ்மக்கள் தம்மில் வைத்திருக்கும் மதிப்பையும் விற்றுப் பணமாக்கமுனைகிறார்கள்.

தாம் சொன்னால், அத்துணைத்தமிழர்களுமே, வாய்பொத்தி மௌனிகளாகத் தலையாட்டிக்கொண்டேயிருப்பார்கள் என்று நினைக்கிறார்கள்.

அப்படி ஒருநிலைமை இருந்தது ஒருகாலம்.... உண்மைதான்!

ஆனால், அது மலையேறியே விட்டது – எமது தேசியத்தலைவரின் வருகையின்பின்...

இதை நம்பமறுக்கிறது இவர்களின் நப்பாசை!

நமது ஆயுதங்கள், மௌனிக்கப்பட்டனவேயொழிய மரணிக்கவில்லை.

இதேபோலத்தான், நம்தலைவரும்.

மௌனித்திருக்கிறார் ; உரியநேரம்வரும்போது வெளிப்பட்டேதீருவார்.

இன்று பலர், ’மௌனத்துக்கும்’ ’மரணத்துக்கும்’ இடையிலான வித்தியாசத்தைப் புரிந்துகொள்ளமுடியாதமையினாலேயே இந்த ஆட்டம்போடுகின்றனர்.

ஏன்? சிங்களத்துக்கெதிராக இயங்கும் சிங்களவர்இல்லையா என்று இதில் ஒரு கேள்வி எழலாம்...

இருக்கிறார்கள்..... அங்கும் இருக்கத்தான் செய்கிறார்கள்!

ஆனால், அவர்கள் பெரும்பாலும், தமிழர்தரப்பு நியாயத்தைப் புரிந்துகொண்டமையினாலேயே சிங்களத்தை எதிர்க்கிறார்கள். உதாரணத்துக்கு, Dr. பிரையன் செனிவிரத்னா,Dr. விக்கிரமபாகு கருணரத்னா ஆகியோரைக்கூறலாம்.

இனி நேரடியாக விடயத்துக்குவருவோம்.

கவிதாயினி தாமரை அவர்கள் கூறியதுபோல ‘ குருதிபிசுபிசுக்கும் ‘

ஈழமண்ணில் நின்று கூத்தடித்தது அந்தக்கொலைகாரக்கூட்டணியான இந்தியாவும்,ஸ்ரீலங்காவும்.

இந்தக்கூட்டணியின் மற்றொருபங்குதாரரான கருணாநிதியும், தமது பங்கிற்கு, தமிழகமண்ணிலேயே ஒருகூத்தை நிகழ்த்திமுடிக்கவிருக்கிறார் என்றவிடயம் அனைவரும் அறிந்ததே!

அந்தக்கூத்துக்கு, தமிழ்ச்சாயம் பூசப்பட்டிருப்பதால், அதற்கு, தமிழறிஞர்கள் என்று அறியப்பட்டவர்கள் தேவைப்படுகிறார்கள் அவருக்கு.

முக்கியமாக, ஈழமக்களிடையே இன்னமுமே தமக்குச் செல்வாக்கு உண்டென்று காண்பித்துக்கொள்ளவேண்டிய கட்டாயம் அவருக்கு உண்டு.

இதற்காகத் தேர்ந்தெடுக்கப்பட்டவர்தான் பேராசிரியர் கா. சிவத்தம்பி என்பவர்.

ஆரம்பத்தில், இவரும் ” இந்தச்செம்மொழிமாநாடு இப்போது தேவைதானா?” என்று கடுமையான எதிர்ப்பைத்தான் வெளியிட்டிருந்தார்.

ஆனால், ஒருசில நாட்களிலேயே, ”தேவைதான்” என்று குத்துக்கரணமடித்து வெளியானது மறுஅறிக்கை.

காரணம் புரியாமல், அதிர்ந்துபோயினர் தமிழுணர்வாளர்கள்.

(ஒருவேளை, ’இவருக்கானது’ காலந்தாழ்த்தித்தான் பட்டுவாடா செய்யப்பட்டதோ யார்கண்டார்.)

அதன் தொடர்ச்சியாக, இப்போது புதிய புஷ்வாணம் ஒன்றைவிட்டிருக்கிறது இந்த ஈழத்துப்புல்லுருவி.

‘தமிழீழம் என்பது கருணாநிதியை நம்பித்தொடங்கவில்லையாம் ‘

எப்படி இருக்கிறது ‘ காதுல பூ’ ?

அப்படியானால், யாரைநம்பித் தொடங்கினாராம்?

அதையாவது வெளிப்படையாகச்சொல்லட்டுமே!

இதை நான் கேட்கவில்லை ; தமிழ்மக்கள் கேட்கிறார்கள்..!

ஏனெனில், தொடங்கியவனுக்கு மட்டும்தானே அது தெரிந்திருக்கும்?

ஏதோ, தாம்தான் ஈழப்போரைத்த்தலைமையேற்று இதுவரை நடத்தியவர் போலல்லவா பிதற்றியிருக்கிறார்?

அதுமட்டுமா? “அங்கும் போய் இதைச்சொல்வேன்” என்ற முழக்கம்வேறு!

அதாவது, முழங்கையில் பிடித்து வரவேற்பதுபோல....

தாமும், எம்மைப்போலவே கருணாநிதியின்மீது கோபத்தில் இருக்கிறாராம்.

தாமும் ‘தமிழின உணர்வாளர்’தானாம். இதை நாம் நம்பவேண்டுமாம்.

இவரது இந்தப்பெருங்கோபம், கருணாநிதியை எள்ளளவும் பாதித்ததாகத் தெரியவில்லையே!

‘கோழிமிதித்துக் குஞ்சு சாகாது ‘ என்பார்களே! அது, இதுதானோ?

ஆனால், மற்றொரு பேராசிரியர் - மலேசியநாட்டின் பினாங்கு எனும் மாநிலத்தின் துணைமுதல்வர் டாக்டர்.பி.இராமசாமி அவர்களுக்கு மட்டும் இந்தியாவுக்கான நுழைவு அனுமதியே மறுக்கப்பட்டிருக்கிறது.

இதிலிருந்தே, இவ்விரண்டுக்குமிடையிலுள்ள வித்தியாசத்தை இலகுவில் அடையாளங்கண்டுகொள்ளலாமே.

ஒன்றைப்புரிந்துகொள்ளுங்கள் பே...ராசிரியர் அவர்களே!

மக்களை நம்பித்தான் இப்போராட்டம் தொடங்கியது.

அதுவும் , இந்தியாவையோ எந்தவொருவல்லரசையோ நம்பாமல் உலகத்தமிழ்மக்களைமட்டுமே நம்பி, களத்தில் நின்று வீரச்சாவடைந்தனர் நமது வீரத்தமிழ்மறவர்கள்!

உங்களுக்குச்சோறுபோட்ட தமிழுக்காய் உயிர்நீத்த இவர்களுக்கெல்லாம் நீங்கள் காட்டும் ’நன்றியறிதல்’ இதுதானா?

இந்த ‘ உலகத்தமிழர் ‘ என்ற பதத்தில் நீங்களும் உள்ளடக்கம்தானே? நீங்களே இப்படிப்பேசலாமா?

இப்போதும் ஒன்றும் கெட்டுவிடவில்லை.

தயவுசெய்து, இந்தத் தமிழ்த்துரோகியின் மாநாட்டுக்குப் போவதைத்தவிர்த்துவிடுங்கள்.

இதன்மூலம், தமிழுலகின் நிரந்தரத்துரோகிகள் பட்டியலில் உங்கள் பெயர் இடம்பெறுவதிலிருந்து தப்பிக்கொள்வதற்கானவாய்ப்பு இன்னமும் உண்டு.

அன்புடன்

சிவம் அமுதசிவம்.

’ இர்ர் ‘ ஐ விட்டார் ஏ.ஆர்.ரஹ்மான் !!!!

2010-06-02T12:24:00.020+02:00

கடந்த ஆண்டு சிங்கள / இந்திய அரசுகளால், திட்டமிட்டவகையில் நிகழ்த்தப்பட்ட முள்ளிவாய்க்கால் படுகொலைகளின் குருதிநெடி இன்னமும் ஆங்காங்கே இருந்துகொண்டுதான் இருக்கிறது.

முள்வேலிக்குள் அடைபட்ட அப்பாவித்தமிழரின் நிலைமையில், பெரிதாக மாற்றமேதும் இல்லை.

உலகநாடுகளை ஏமாற்றும்வகையில், மீள்குடியேற்றம் என்றும் கண்ணிவெடி அகற்றல் என்றும் போக்குக்காட்டிக்கொண்டே, சிங்களமானது தனது நில ஆக்கிரமிப்பைத் தீவிரமாகமுன்னெடுக்கிறது.

ஆங்காங்கே தமிழ்ப்பகுதிகளை உயர்பாதுகாப்புவலயம் என பிரகடனப்படுத்திவிட்டு, சிங்களக்குடியேற்றங்களை அமைத்துவருகிறது.

இளம்போராளிகளைப் பெற்றோரிடம் ஒப்படைப்பதாக, ஊடகங்களின் ஒளிப்படக்கருவிகளின்முன் நாடகம் நடத்திவிட்டு, மீண்டும் இரகசியமாக அவர்களைக்கைதுசெய்து சிறையிலடைக்கிறது சிங்களம்.

ஏனைய போராளிகளை, புனர்வாழ்வு எனும்போர்வையில், திறந்தவெளிச்சிறைகளில் அடைத்து , அடிமைகளாகவைத்து வேலைவாங்குகிறது.

அங்கொன்றும் இங்கொன்றுமாக இன்னமும் கொலை,கற்பழிப்புகள் நிகழ்ந்தவண்ணமேயுள்ளது.

இவையெல்லாம் ஏதோ, மனிதரின் அன்றாட அத்தியாவசிய நிகழ்வுகள் எனும் தோரணையில் , உலகமே ,களியாட்டங்களிலும் விளையாட்டுக்களிலும் மூழ்கிப்போயிருக்கிறது.

அன்றாடம் துன்பத்தில் உழலும் மக்களின் உண்மைநிலையை, உலகத்துக்குப் புரியவைக்கவேண்டிய ஊடகங்கள், தமது கடமையை மறந்து, ‘ காற்றுள்ளபோதே தூற்றிக்கொள் ‘ எனும் பழமொழிக்கமைய , பணம் சம்பாதிப்பதில் போட்டிபோடுகின்றன.

உலக ஊடகங்கள்தான் இப்படியென்றால், தாய்த்தமிழகத்திலும் இதேநிலைதான்.

பெரும்பாலான தமிழக ஊடகங்கள்,தமிழ்மக்களைக்குழப்பும்விதமான செய்திகளுக்கு முன்னிரிமை தந்து, அதன்மூலம் , ஈழ ஆதரவு / எதிர்ப்பு ஆகிய இருமுனைகளிருந்தும் பணம்பண்ணும்வழியையே பின்பற்றுகின்றன.

கொலைகாரக்கூட்டணியான இந்தியாவும் ஸ்ரீலங்காவும், தாம்செய்தபடுகொலைகளை மறக்கடிக்கச்செய்யும்விதமாக, பெரும் எடுப்பில் ஐஃபா களியாட்டங்களை நடாத்துகிறது.

இருந்தும், தமிழின உணர்வாளர்கள், நிம்மதிப்பெருமூச்சு விடக்கூடிய ஒரு விடயமும் வெற்றிகரமாகத் தமிழகத்தில் நடந்தேறியேவிட்டது.

கொழும்புசெல்பவர்கள் யாராக இருந்தாலும், அவர்கள் பங்குபற்றும் திரைப்படங்களுக்கு தமிழகம் மட்டுமல்லாது, தென்னிந்தியாவிலேயே தடைவிதிக்கப்படும் என்ற , ’தென்னிந்தியத்திரைப்படச்சம்மேளனத்தின்’ அறிவிப்பு , ஐஃபா விழா எதிர்ப்பாளர்களுக்குப் பெரும் பக்கபலமாக அமைந்துவிட்டது.

இதற்கு அடிப்படையாக அமைந்தது, ரஜனிகாந்த் அவர்களின் அதிரடி முடிவுதான் என்றால் மிகையாகாது.

எவருமே முடிவை அறிவித்திராதநிலையிலும், முதன்முதலாக துணிச்சலுடன் உறுதியாகத்தமது முடிவை அறிவித்திருந்தார் சூப்பர்ஸ்ரார் ரஜனிகாந்த்.

அவர் அதற்கான காரணத்தையும் மிகத்தெளிவாகவே வெளியிட்டிருந்தார்

அத்துடன்நில்லாது , கமலஹாசன் போன்றவர்களுக்கும் உண்மைநிலையைப் புரியவைத்து, அதிலிருந்து விலகச்செய்தார்.

தமிழகத்தின் பெரும்புள்ளிகளான இவ்விருவருடன், முன்னணி இயக்குனர் மணிரத்தினம் அவர்களின் முடிவுமே , பலருக்கு , தமது நிலைப்பாட்டை உறுதியாக்கிக்கொள்ள உதவியது என்பதுதான் உண்மை.

தொடர்ந்து , ’ செந்தமிழன்’ சீமானின் நாம்தமிழர் இயக்கம் நடாத்திய அதிரடிப்போராட்டத்தில் மிரண்டுபோய் அமிதாப் பச்சன், அபிஷேக் பச்சன். ஐஸ்வர்யாராய் போன்ற இந்திப்படவுலகத்தின் முக்கியபுள்ளிகளும் பின்வாங்கிவிட , மலையாலப்படவுலகமும் தன் முடிவை அறிவித்தேவிட்டது.

கமலஹாசனின் உற்றநண்பரான ஷாருக்கான், காலந்தாழ்த்தினாலும் , தமது முடிவை உறுதியாக அறிவித்தமை பாராட்டுக்குரியதே!

இதில் குறிப்பிட்டுச்சொல்லக்கூடியது யாதெனில், தமிழ்த்திரைப்படங்களில் நடித்துப் புகழ்பெற்ற அயல்மாநில நடிகையான நமீதாவும், இவ்விழாவைப் புறக்கணித்ததோடு நிறுத்திக்கொள்ளாமல், காரணத்தையும் சரியாகக்குறிப்பிட்டமையே!

இந்தியத்திரைப்படத்துறையின் ஜாம்பவான்கள் அத்துணைபேரும் பின்வாங்கியநிலையிற்றான், களையிழந்துபோன இவ்விழாவைத்தூக்கிநிறுத்த , ‘ மான்வேட்டையில் சிக்கிச்சிறையிருந்த இந்திநடிகரான சல்மான்கான் முன்வந்தார்.

இந்நிலையில் , தமிழகத்திலிருந்தே, ஈழத்துக்கு மட்டுமல்லாது _

தமிழுக்கே _ தமிழ்மொழிக்கே ஒரு துரோகம் நடந்துகொண்டிருக்கிறது.

எதுவென்கிறீர்களா?

சிங்களத்தின் எதிர்க்கட்சிகளே , தமிழ்மக்கள் இன்னமும் , தகரக்கொட்டகைகளில் ஆடுமாடுகளைப்போல் அடைத்துவைக்கப்பட்டுள்ளார்கள் என ஒப்புக்கொண்டு , ஒப்புக்காவது நீலிக்கண்ணீர் வடிக்கும் இந்தநேரத்தில் _

மிக ஆடம்பரமாக பெரும் எடுப்பில் நடைபெற ஏற்பாடாகிக்கொண்டிருக்கிறது செம்மொழிமாநாடு என்ற பெயரில் ஒரு களியாட்டநிகழ்வு.

இது, தமிழ் செம்மொழியானதை முன்னிறுத்தியதல்ல - வெறும் களியாட்டத்தையும், அரசியல் இலாபங்களையும் நோக்கமாகக்கொண்டது என்பதற்குச்சரியான சான்று -

தமிழக அரசின்சார்பில் இதற்காகத்தயாரான பாடலை இசையமைத்திருக்கும் ஏ.ஆர்.ரஹ்மான் , வழக்கம்போலவே இதிலும்கூடத் தமது மொழியைச்சிதைக்கும் நடவடிக்கையில் இறங்கியமையே!

அதாவது, ‘ யாது ஊரே ! யாவரும் கேளிர்’ என்ற கணியன்பூங்குன்றனின் வரிகளையே கொச்சைப்படுத்தி -

‘யாதும் ஊரே ! யாவரும் கேளீ.... ‘ என்று முடித்திருக்கிறார்.

இதில் அந்த ‘ ர்’ என்பது சேர்ந்தாலும், அவ்வரி தவறானது என்பது தமிழுணர்ந்த அனைவர்க்கும் புரியும்.

ஆனால், இவரோ அந்த ‘ர்’ கூட இல்லாமல் அதை முடித்திருக்கிறார்.

இவரைப்பொறுத்தவரை, ஏற்கெனவே , அரபிக்கடலோரம் நின்று ‘ ஹம்மா ஹம்மா ‘ என்று தமிழ்மொழியின் முதல்வார்த்தையையே கொலைசெய்து , அதன்மூலம் கவிஞர் வைரமுத்துவின் அதிருப்திக்குள்ளானவர் என்பது அனைவரும் அறிந்தவிடயம்.

இஃதிவ்வாறிருக்க, ’தமிழுக்குப்பெருந்தொண்டாற்றிய பெருமகன்’ என்று தமக்குத்தாமே புகழ்மாலை சூட்டிக்கொள்ளும் கருணாநிதி -

இந்த முக்கியமான வரிகளைக்கவனிக்காமல்விட்டதன்மூலம், இதிலும் அப்பட்டமான அரசியல்நகர்வையே மேற்கொள்ளுகிறார் என்பது நிரூபணமாகிறது.

‘ ர் ‘ ஐ விட்டவர் வாழ்க!!

என்று வாழ்த்துவதைத்தவிர, இதில் யாரால் என்னசெய்யமுடியும்?

அவர்கள் பக்கம் காற்று பலமாகவே வீசுகிறது.

காற்றுமட்டுமா_? மழையும்கூட அவர்கள் பக்கம்தான்!!!

இதில் எமது தேசியத்தலைவரின் படம் இணைக்கப்பட்டுள்ளது. ஆனால், தமிழக அரசு வெளியிட்டதில் , கருணாநிதியின் படம்தான் உள்ளது. இங்குள்ள இணையதளமொன்றின் ஆர்வக்கோளாறுதான் இதற்குக்காரணம்.

ஊடகம் என்றுபார்த்தால், இஃதொரு மிகப்பாரதூரமான தவறு!!

மகி சிவம் ஆனார் சுகிசிவம்

2010-05-31T11:17:00.011+02:00

இந்தநாள் இனியநாள் எனும் நிகழ்ச்சியின்மூலம் தமிழர்களிடையே மிகப்பிரபலமானவர்தான் இந்த சுகிசிவம் என்ற சு.கி.சிவஞானகிராமணியார்.

கடந்தசிலமாதங்களுக்குமுன் இவர், கொழும்பு சென்று திரும்பியபின் வெளியான ‘ இந்தநாள் இனியநாள்’ இல், புலம்பெயர்ந்த ஈழத்தமிழர்களை மிகவும் கேவலமாகக்க் குறிப்பிட்டமையானது ஜேர்மனி, இங்கிலாந்து, பிரான்ஸ் போன்ற , ஈழத்தமிழர் செறிந்துவாழும் நாடுகளில் பெரும் பரபரப்பை ஏற்படுத்தியிருந்தது .

அடிப்படையில் இவர், ஒரு தமிழராக இருந்தும், இவ்வாறான ஒரு கருத்தை வெளியிட்டமையையொட்டி, ஈழத்தமிழர் இவரில் அதிருப்தி கொண்டிருந்தனர்.

ஸ்ரீலங்காவின் ஊதுகுழலாகச்செயற்படுகிறாரோ எனும் சந்தேகக்கண்ணுடன் நோக்கினர்.

ஏனெனில், இராசபச்சே குடும்பம், தனது அராஜக ஆட்சியைத்தொடர்வதற்கு, புலம்பெயர்ந்த தமிழர்கள் பெரும் அச்சுறுத்தலாக உள்ளனர் என்றும், அவர்களைக்குறிவைத்தே தமது புலனாய்வுப்பிரிவு செயற்படுவதாகவும் வெளிப்படையாகவே பலதடவைகள் அறிக்கைகள் வெளியிட்டமையை நேயர்கள் மறந்திருக்கமுடியாது.

இதனால், ஆங்காங்கே பலரும் தத்தமது வலைத்தளங்களில் எதிர்ப்புகளை வெளியிட்டுமிருந்தனர்.

இது பழையசெய்தி!

புதிய செய்தி என்ன தெரியுமா?

கடந்தவாரம் , அல்ஜசீராதொலைக்காட்சிக்கு , மகிந்தா (எளிமையான) ஆங்கிலத்தில் வழங்கிய செவ்வியில் குறிப்பிட்டிருந்த, புலம்பெயர்ந்த தமிழர்கள் பற்றிய விடயமானது, அன்றே சுகிசிவம் அவர்களின்வாயிலிருந்து,‘இந்தநாள் இனியநாள்’ இல் வந்திருக்கிறது .

நிகழ்ச்சியின் தலைப்புக்கு எள்ளளவும் பொருத்தமில்லாத ஒருவிடயத்தை வைத்து அப்படித் தாழி தாழியென்று தாழித்திருந்தார் சுகிசிவம்.

அதிலே, எதைத்தான் இவர் சொல்லவந்தார்?

சிங்களத்தால் சிதைக்கப்பட்ட உடைந்தவீடுகளில், அங்குவாழும் மக்கள் குடியேறிவிட்டால், அன்றையநாள் இனியநாளாகிவிடும் என்பதையா?

மாறாக :

‘எதிரி எமது வாழ்விடங்களுக்குள்ளேயே உட்புகுந்து, அழிவுகளை மேற்கொள்ளுமளவுக்கு நாம், எமக்குள்ளேயே ஒற்றுமையின்றி இருந்துவிட்டோம் ; இனியாகிலும், மேற்கொண்டு எமது வீடுகள் உடையாதபடி, உலகத்தமிழர்கள் அனைவரும் ஒன்றுபட்டால் ‘ இந்தநாள் இனியநாள்’

என்றவகையிலல்லவா அஃதமைந்திருக்கவேண்டும்?

இஃதல்லவோ ஒரு அறிவாளிக்கு அழகு?

அதைவிடுத்து, ‘புலம்பெயர்ந்த தமிழர்கள் உயிரைக்காப்பாற்றிக்கொள்ள ஓடிப்போனவர்கள்.... அங்கு உல்லாசவாழ்க்கை வாழ்கிறார்கள்’ அப்படி இப்படியெல்லாம், மிகவும் மலிவானசொற்பிரயோகங்களுடன் அவர் சொன்னமுறை -

புலம்பெயர்ந்திருப்பவர்கள் என்றாலே, ஏதோ ‘ பயந்தாங்கொள்ளிகள்’ என்பதுபோலவும் -

‘ சொந்தச்சகோதரர்கள் துன்பத்தில் சாதல்கண்டும் சிந்தையிரங்காதவர்கள்’ என்பதுபோலவும் -

ஒரு தோற்றத்தை, தமிழகத்திலும் ஈழத்திலும் வாழும் தமிழர் மனங்களில், ஆழமாகப்பதியவைக்கும் முயற்சியல்லவா?

இதைத்தானே மகிந்தாவும் வெகுசிரமப்பட்டுச் சொல்லிமுடித்தார்?

மகிந்தாவுக்குத்தான் புலம்பெயர்தமிழர்கள் நேரடியான எதிரிகள் ;

இவரைப்பொறுத்தளவில் , இதற்கான தேவைதான் என்ன?

இவருக்கும், புலம்பெயர்ந்த தமிழர்களுக்கும் அப்படி என்னதான் பிணக்கு?

எதுவுமில்லையே!

இன்னும் சொல்லப்போனால், இவர் தமது ஆடம்பரவாழ்வுக்கு நம்பியிருப்பது புலம்பெயர்ந்த தமிழர்களைத்தானே!

இந்தியாவில் வருடம் முழுவதும், ஓடி ஓடிப்பிரசங்கம் செய்து கிடைக்கும் வருமானம், இலண்டன் மாநகரில் ஒருநாளில் கிடைத்துவிடுகிறதே!

இருந்தும் இப்படியான ஒருமுடிவை இவர் ஏன் மேற்கொண்டார்?

இங்குதான் நாம் யோசிக்கவேண்டியுள்ளது.

இலண்டன் மாநகரில் பத்துவருடங்களில் கிடைக்கும் வருமானம், ஸ்ரீலங்காவிடமிருந்து ஒரேமுறையில் இவருக்குக்கிடைத்திருக்கிறது.

இதைத்தவிர வேறெதுவாக இருக்கமுடியும்?

இதனாற்றான், ஸ்ரீலங்காவின் புலனாய்வுப்பிரிவு ஆற்றவேண்டியபணியின் ஒருபகுதியை இவர் ஏற்றுக்கொண்டிருக்கிறார்.

ஸ்ரீலங்காவுக்குப் பெரும் சவாலாக இருக்கும் புலம்பெயர் சமூகத்தை, ஈழத்தில் வாழ்ந்துகொண்டிருக்கும் அவர்களின் உறவுகளிடமிருந்து அன்னியப்படுத்துவதில், மகிந்தாவுடன் கைகோர்க்கமுனைந்திருக்கிறார் என்பது இதன்மூலம் நிரூபணமாகிறதல்லவா?

மகிந்தாவுடன் கைகோர்த்தமையால், இவரை இனிமேல் ‘ சுகிசிவம்’ என்பதைவிட ‘ மகிசிவம்’ என்பதே சாலவும் பொருத்தமானது.

இவ்வகையான, அடுத்துக்கெடுக்கும் தமிழ்ப்பகைவர்களை இனங்கண்டு - புறந்தள்ளி விடுதலைப்பாதையில் முன்னேறுவோம்.

ஏனெனில், நாம் தமிழர்!!!

ஏக்க தமாய் கோகணா!

2010-05-27T12:07:00.012+02:00

அடடா! என்ன அருமையான கண்டுபிடிப்பு!

ஸ்ரீலங்காவினால், ஐ.நா.வுக்கான தூதுவராக நியமிக்கப்பட்டிருக்கும் பாலித்தா கோகணா என்பவர், அண்மையில் தாம் வெறும் தூதுவர்தான் என்பதை மறந்து, ஏதோஉலகம் முழுவதுமே தன்சட்டைப்பையில் என்பதுபோலப் பேசியிருக்கிறார்.

ஏற்கெனவே , மலையாளி என்ற காரணத்தால் இவர்களிடம் விலைபோன விஜய் நம்பியார் என்பவரைவைத்து, பான்கீமூனையும் விலைக்குவாங்கியிருந்தார்கள் என்பது உண்மையே!

ஆனாலும், இவர்களனைவரையும் மீறி, பீறிட்டுக்கசிந்த உண்மைகளால், அதிலும் குறிப்பாக பிரித்தானியாவின் , ‘சனல் 4’ தொலைக்காட்சியில் வெளியான படுகொலைக்காணொலிகளால், இக்கட்டுக்குள்ளாகியிருக்கும் , ஐ.நா.செயலர் பான்கி மூன் , அப்படுகொலைகளையும் ஸ்ரீலங்காவின் போர்க்குற்றம் தொடர்பாகவும் ஒரு விசாரணைக்கமிசன் அமைப்பதற்காக, தமக்கு ஒரு ஆலோசனைக்குழுவை அமைக்கப்போவதாகக் கூறிவருகிறார்.

இங்கே நாம் கவனிக்கவேண்டியது, பான்கிமூன் அவர்கள் , ‘ இதோ வருகிறது !! இதோ வருகிறது !! ’ என்று விளம்பரம் செய்வது விசாரணைக்கமிசன் அமைப்பதற்காக அல்ல..

மாறாக, அதற்கான ஆலோசனைக்குழுவை அமைக்கப்போவதாகத்தான் அவ்வப்போது முழங்கிக்கொண்டிருக்கிறார்.

இதற்கான உண்மையான காரணம், ‘ நான் அப்படி இப்படி ஏதாவது சொல்லிக்காலத்தை இழுத்தடிக்கிறேன்... அதற்குள் நீ ஏதாவது செய்யமுடிந்தால் செய்! ‘ என்று ஸ்ரீலங்காவுக்கு சமிக்ஞை கொடுக்கிறார்.அதாவது, அவர்களீடம் விலைபோனமையிலிருந்து விடுபடமுடியாமற்தவிக்கிறார்.

ஸ்ரீலங்காவும், இவரது நிகழ்ச்சிநிரலுக்கேற்ப, தனக்குத்தானே ஒரு விசாரணக்கமிசன் ஒன்றை அமைக்கப்போவதாக அறிவித்திருந்தது; அதன்படி ஒரு கண்துடைப்புக்கமிசன் ஒன்றையும் அமைத்தது.

இப்போது, இந்த அஸ்திரத்துடன்தான் களமிறங்கியிருக்கிறார் இந்த

பாலிதா கோகணா என்பவர்.

தம்மிடம் ஏற்கெனவே ஒரு கமிசன் உள்ளதாம்; எனவே இனி ஐ.நா.வினது வருவது பொருத்தமற்றதாம்.

அதற்கு அவர் சொல்லும் காரணம், ‘ போரில் தோற்றபுலிகள், மக்கள் சக்தியுடன் வென்றுவிடுவார்களாம்’.

அதாவது, அவர் சொல்லவருவது, ஐ.நா. ஒரு கமிசனை அமைத்தால் , தாம் ஏற்கெனவே அமைத்திருக்கும் ,’கள்ளங்கபடமற்ற - தூய்மையான கமிசனின் புனிதம் கெட்டுவிடும் என்பதுபோல.

அல்லது, விடுதலை உணர்வுடனிருந்தவர்களைத்தான் புதைத்துவிட்டோமே! ; ஏனையோரை முட்கம்பி வேலிக்குள்வைத்து, ஆளைவிட்டால்போதும் என்னுமளவுக்கு வதைத்துவிட்டோம் ; இக்கமிசன் ஒருவேளை வந்துவிட்டால்.......? அஃதும் ஒருவேளை நீதியின்பக்கம்நின்றுவிட்டால்...? இவர்களுக்கெல்லாம் விடுதலையுணர்வு துளிர்விட்டுவிடுமோ என்று அச்சம் ; அவ்வளவுதான்.

ஏற்கெனவே இவ்வுலகில், இனப்படுகொலை செய்தமைக்காக, பலநாடுகள் தண்டிக்கப்பட்டிருக்கின்றன ; ஜேர்மனியின் ஹிட்லர் மற்றும் யூகோஸ்லாவியாவின் சுலொபொடோன் மிலோசொவிச் போன்ற பல உலகத்தலைவர்கள் குற்றவாளிக்கூண்டில் நிறுத்தப்பட்டிருக்கிறார்கள்.

ஹிட்லரோ இறந்தபின்னர்கூட , இன்றுவரை குற்றவாளிக்கூண்டில் நிறுத்தப்பட்டுக்கொண்டேயிருக்கிறான்.

இவர்களுக்கெல்லாம்,பாலிதா கோகணாவின் இந்த மந்திரம் தெரிந்திருந்தால் தண்டனையிலிருந்து தப்பித்திருக்கலாமே!

ஹிட்லர் ஏனைய நாடுகளுக்கெல்லாம் சொல்லியிருக்கலாம் : “ உங்கள் நாடுகளை ஜேர்மானியப்படைகள் தாக்கியமைக்குத்தண்டனையாக, ஜேர்மனியில் நாமே நமக்கு, குண்டுகளைப்போட்டுக்கொள்கிறோம்” என்று.

இதேபோல, பொஸ்னியாவில் தாம் நிகழ்த்திய அட்டூழியங்களுக்காக, “சேர்பியாவில் ஆங்காங்கே விசாரணைக்கமிசன்களை நாமே நடாத்திக்கொள்கிறோம்” என்று சுலொபொடான் மிலோசொவிச் சொல்லியிருக்கலாம்.

இவர்களுக்கெல்லாம் தெரிந்திராத ஒருவிடயம், கோகணாவுக்குத் தெரிந்திருக்கிறது.

இவர் கிறிஸ்துவுக்கு முன்பே பிறந்திருந்தால், இந்தச் சர்வாதிகாரிகளெல்லாம், ஆபிரகாம் லிங்கன், ஜோண் எஃவ் கென்னடி வரிசையில் வைத்துப்போற்றப்பட்டிருப்பார்களோ என்னமோ...

இன்றையநிலையில், சிங்களமானது - தன் கழுத்துக்குநேரே கத்திதொங்குவதை நன்கு உணர்ந்துகொண்டுள்ளது என்பதுமட்டும் உண்மை.

இதனாற்றான், கிலிபிடித்தநிலையில் ஆங்காங்கே மகிந்தா தொடங்கி , பீரிஸ் , அழகப்பெருமா என்று அனைவரும் ஆளுக்கொருதிக்கில்போய், அழாதகுறையாக வாயில்வந்ததையெல்லாம் பிதற்றுகின்றனர்.

எனினும், இவையெல்லாவற்றையும்விட , ஐ.நா.வுக்கே தூதுவர் என்றவகையில், கோகணாவின் உளறலே இதில் முதலிடம்பெறுகிறது.

ஏக்க தமாய் கோகணா!!!

ஒபகே சிந்தனாவ, சூப்பர் கல்பனாவ!!!!!!

பிரபாகரன் ஆண்டு !!!!

2010-05-20T23:08:00.001+02:00

தமிழ்ப்புத்தாண்டு வாழ்த்து எல்லோரும் சொல்கிறார்கள்..பதிலுக்கு நானும் வாழ்த்துச் சொல்கிறேன். இந்த நேரத்தில் தமிழ்ப்புத்தாண்டு தொடர்பான ஒரு சில செய்திகளை நாம் படித்தாகவேண்டும்.
உலகத்தில் புத்தாண்டுகளுக்கு சில அடிப்படையான காரணங்கள் இருக்கின்றன. அதில் வானியல் சார்ந்து, சந்திரனின் சுழற்சியை அடிப்படையாகக்கொண்ட புத்தாண்டு ஏப்ரல் மாதத்திலும் ,சூரியனின் சுழற்சியை அடிப்படையாக்க் கொண்ட புத்தாண்டுகள் ஜனவரி மாத்திலும் வரும். இது தவிர கடவுள் படைத்தாரரென்றும் கடவுளின் பிறப்பு அடிப்படையான புத்தாண்டெனவும் உண்டு. இதையும் தாண்டிப்பார்த்தால் புத்தாண்டு என்பது இனத்திற்கு நல்ல காரியங்கள் செய்து இனத்தை மேன்மையடையச்செய்தவர்களின் பிறந்தநாளை புத்தாண்டாக அந்த இனங்கள் ஏற்றுகொண்டு கொண்டாடுகின்றன.
இப்போது நாம் கொண்டாடும் சித்திரை மாதப்பிறப்பு உண்மையில் நம் தமிழ் புத்தாண்டு இல்லை.இந்த புத்தாண்டு சாலிவாகனன் என்ற வட இந்திய மன்னனால் கி.பி 78ல் உருவாக்கப்பட்டது ஆகும். பிரபவ முதல் அட்சய வரையிலான 60 ஆண்டுகள் பெயரும் வடமொழியிலேயேதான் இருக்கின்றன. இந்த 60 ஆண்டுகளும் கூட கடவுளின் குழந்தைகள் என்று சொல்லப்படுகிறது. இந்த குழ்ந்தைகள் கடவுளின் ஓரினச்சேர்க்கையில் பிறந்தவர்களாம்.இப்படி பல கதைகள் சொல்லப்பட்டாலும் நாம் இந்த சித்திரைமாதம் தமிழர்களின் புது ஆண்டு பிறப்பு என்பதை நிராகரிக்க முக்கிய காரணம், சித்திரை மாத பிறப்பை தமிழ் புத்தாண்டாக ஏற்றுக்கொண்ட பிறகு நமது வரலாறு 60 ஆண்டுகளுக்குள் முடக்கப்பட்டது. பல்லாயிரம் ஆண்டுகள் வாழ்ந்து நிலை பெற்ற தமிழ் இனத்தின் வரலாற்றை அழிக்கும் முயற்சியே சித்திரை முதல் நாளில் தொடங்கும் தமிழ் புத்தாண்டு.
இந்த ஆண்டு முறையால் தமிழர் மொழி, மரபு, மானம், பண்பாடு, வாழ்வு ஆகியவற்றில் விளைந்த அழிவையும் இழிவையும் எண்ணிப்பார்த்த தமிழ் அறிஞர்கள், மறைமலை அடிகள் தலைமையில் பச்சையப்பன் கல்லூரியில் 1921.ம் ஆண்டு கூடி ஆராய்ந்து மாற்றாக உருவாக்கியதே திருவள்ளுவர் ஆண்டு .இந்த ஆண்டின் தொடக்கம் தை முதல் நாள் .ஆகவே தமிழ்ப்புத்தாண்டும் தை முதல் நாளே. திருவள்ளுவர் கிறித்து பிறப்பதற்கு 31 ஆண்டுகள் முன்பு பிறந்தவர் என்று கணக்கிட்டு திருவள்ளுவர் ஆண்டு கொண்டாடப்படுகிறது. இந்த ஆண்டு 2041 (2010+31) ஆகும். சூரிய வழிபாடு ஒரு இயற்கை வழிபாடு. தொன்றுதொட்டே வழக்கில் இருக்கும் ஒன்று.ஆகவே சூரியனை அடிப்படையாகக்கொண்ட வருடப்பிறப்பான திருவள்ளுவர் ஆண்டும் ஏற்றுக்கொள்ளக்கூடியதே.....
இதைத்தான் தமிழ்ப்புத்தாண்டாக தமிழ் நாடு அரசும் கடைபிடித்து வருகிறது.இதைத்தவிற மாமன்னன் ராஜராஜன் பிறந்தநாளை அடிப்படையாகக் கொண்ட ஆண்டும் தமிழர்களிடம் புழக்கதில் இருந்து இருக்கிறது. தற்போது தமிழ் ஈழ தேசியத்தலைவர் பிரபாகரன் அவர்களின் பிறந்த நாளை அடிப்படையாகக் கொண்ட ஆண்டும் சில அமைப்புகளால் பயன்படுத்தப்படுகிறது. எந்த ஆண்டு நிலை பெறும் என்பதை மக்கள் தீர்மானிப்பார்கள்.
ஆனால் கண்டிப்பாக இந்த பிரபவ முதல் அட்சய வரையிலான 60 ஆண்டுகள் தமிழர் ஆண்டுகள் இல்லை. ஒரு ஆண்டினை கார், கூதிர், முன்பனி, பின்பனி, இளவேனில்,முதுவேனில் என ஆறு பெரும்பொழுதாகவும், ஒரு நாளை வைகறை, சிறுபொழுது, நண்பகல், மாலை, ஏற்பாடு, யாமம் என ஆறு சிறுபொழுதாகவும் பகுத்த தமிழர்கள் ஆண்டுகளின் பெயர்களை மட்டும் வடமொழியில் வைத்து இருக்கமாட்டார்கள். இது ஒரு ஆரிய சூழ்ச்சிதான். இந்த ஆரிய சூழ்ச்சியை புரிந்துகொண்டு நாம், தமிழர் பண்பாட்டையும் மரபையும் மீட்டெடுக்க வேண்டும். ஆரியத்திற்கும் நமக்குமான பகை நீண்டு கொண்டே இருக்கிறது. தற்போது ஈழ விடுதலைப்போரிலும் ஆரியம்தான் இந்திய அரசின் பின் நின்று இயக்கியது.

நாம் இவற்றை இனம் கண்டு நமது வேர்களை காக்கவேண்டும்.அதுவே நம் இனத்தின் தூய்மைக்கும் மேன்மைக்கும் நன்மை பயக்கும்.

------ தோழர் சிவா - துபாயிலிருந்து

http://thozharsiva.blogspot.com/2010/04/blog-post.html

ஓ! மனிதா!..... ( ஒரு தமிழகத்தமிழனின் உணர்வலைகள்!)

2010-05-14T22:47:00.009+02:00

ஓ மனிதா....

உண்மைதான் என்ன?

உரிமையிழந்த எங்கள் உயிர்

இருந்துதான் என்ன?

ஓலமிட்டோம் உலகறிய

உறவுகளின் கை ஒடிந்தபோது...

ஒன்றும் அறியாதவனாய்

உன்னில் எத்தனை பேர்...?

ஓலமிட்டோம் உலகறிய

உறவுகளின் உயிர்போகிறதென்று...

ஒன்றும் அறியாதவனாய்

உன்னில் எத்தனை பேர்...?

வல்லரசுகளாய் வாய் பொத்தி…..

அகிம்சை தேசத்தானே ஆயுதப்பொதிகளாய்...

ஊடகக் காரனே ஊமைகளாய்....

மெளனித்த மனித உரிமைக்காரனாய்..

இன்னும் இன்னும் எத்தனை எத்தனை...?

முடிவில் மடிந்தே போயினர்

எம் கையில் வீரத்தமிழன்

என்ற முகவரியைத் தந்து....

ஓ மனிதா....

இதுதான் அந்த உண்மையா...?

எஙகள் முகவரி தமிழன்

அதுதானே...

ஆறாயிரம் ஆண்டுகளாய்

சூடிக்கொண்டிருக்கிறோம்....

இழக்கமாட்டோம் இனியும்.....

முள்ளிவாய்க்காலில்

இரத்தத்தாலும் உறுதியாக

எழுதப்பட்டு இருக்கிறது......

உலகமே!

நீங்கள் எங்களை

அழிக்க அழிக்க எழுதுவோம்....

நங்கள் தமிழரென்று...

எழுவோம்....எழுவோம்.....

இன்னும் இன்னும் பன்மடங்காய்....

தோழர் சிவா - துபாயிலிருந்து

ஸ்ரீதரன் நா.உ. இன் கன்னிப்பேச்சு!

2010-05-05T18:08:00.010+02:00

அண்மையில் நடந்துமுடிந்த ஸ்ரீலங்காவின் நாடாளுமன்றத்தேர்தலில் தமிழ்த்தேசியக்கூட்டமைப்பின் சார்பில் தெரிவான திரு.சிவஞானம் ஸ்ரீதரன் ஆற்றிய கன்னிப்பேச்சு பலதரப்பினராலும் பலவிதமான விமர்சனத்துக்குள்ளாகியிருக்கிறது.

பெரும்பாலும், ஒருசில இணையதளங்கள் குற்றங்கண்டுபிடிக்கும் மனப்பாங்குடனேயே அவ்வுரையை வெளியிட்டிருக்கின்றன.

தேர்தல்சமயத்தில், அவரது கடந்தகால தனிப்பட்ட வாழ்க்கையை முன்னிறுத்தி இவ்வூடகங்கள் எதிர்ப்பிரச்சாரங்களை மேற்கொண்டிருந்தன.

அதைத்தான் சனநாயக தர்மம் என்று ஏற்றுக்கொண்டாலும், இப்போது அவர் மக்களால் தெரிவுசெய்யப்பட்ட ஒரு பிரதிநிதி என்றவகையில்,

தேவையில்லாமல் அவரைத்தூற்றுவது, அத்தனை தமிழ்மக்களையும் அவமதிக்கும் செயலாகும்.

அவரது கன்னியுரையானது மிகவும் ஆழமான சிந்தனையின் அடிப்படையிலேயே தயாரிக்கப்பட்டிருக்கிறது.

இவ்வுரையை விமர்சனம் செய்யும்போது, அதேயளவு ஆழத்துடனும். தொலைநோக்குடனுமே பார்க்கவேண்டுமேயொழிய, வெறுமனே கண்ணைமூடிக்கொண்டு கருத்துவெளியிடக்கூடாது.

அதாவது, ஆட்டத்தைப்பார்க்க வேண்டுமேதவிர, ஆளைப்பார்க்கக்கூடாது.

எடுத்த எடுப்பிலேயே அவ்வுரையானது, ” தங்கள் உரிமைக்காக, காலமெல்லாம்போராடித்தவமிருக்கும் மக்களிடமிருந்து வருகின்றேன்” என்று என்று தொடங்குகிறது.

இதையே அவர்” போராடித்தோற்ற மக்களிடமிருந்து...” என்று சொல்லியிருந்தால் அது கண்டிக்கத்தக்கதுதான். !

மேலும், “ உங்களுடன் கைகோர்க்கத்தயாரக இருக்கிறோம் - நாம் மனிதர்களாக இருக்கும்வரைதான்..” என்பது எவ்வளவு ஆழமான மிரட்டல்!

இதிலேயே ஒன்று பூடகமாகத் தெளிவுபடுத்தப்பட்டிருக்கிறது.

அதாவது, “ உங்கள் அடக்குமுறை தொடருமானால் நாம் மனிதர்களாக இருக்கமாட்டோம்” என்பதுபோல.

மனிதநாகரீகம் அறவே இல்லாத ஒரு காட்டுமிராண்டிகளின் கோட்டையினுள்ளே நின்றுகொண்டு இதைச்சொல்வதற்கே ஒரு மனோதிடம் வேண்டும்.

அதிகம் வேண்டாம்... இங்கு புலம்பெயர்மண்ணிலேயே எத்தனைபேர் உறுதியுடன் தமது கருத்துக்களை வெளியிடுகிறார்கள்?

அப்படிப் பேசுவதானாலும் ’கொஞ்சம் உரத்துப்பேசினாலே , அலரிமாளிகையிலிருக்கும் மகிந்தாவின் காதுகளில் விழுந்துவிடுமோ...’என்பதுபோல குசுகுசுப்பார்கள்.

அவ்வுரையில் எதுதான் சொல்லப்படவில்லை?

ஒவ்வொரு தமிழனதும் உள்ளக்குமுறல்கள் அத்தனையும் ஒன்றுவிடாமல் அங்கு கொட்டப்பட்டிருக்கிறது.

அன்னிய நாடுகள், எவை எவை எந்தெந்த மூலவளங்களைச் சுரண்டவருகின்றன என்பது , அக்குவேறு ஆணிவேறாக அலசப்பட்டிருக்கிறது. இதில், அமெரிக்கா, ரஷ்யா, இந்தியா,யப்பான் என்று எதுவுமே அங்கு விடுபடவில்லை.

முள்ளிவாய்க்கால் படுகொலை... காணாமற்போனோர்...காயப்பட்டவர்கள்... கைகால் இழந்தவர்கள்....முட்கம்பிவேலி... சிறைவைக்கப்பட்டுள்ள போராளிகள்...

சிங்கள இராணுவத்தால் தமிழர் சொத்துகள் சூறையாடப்பட்டமை ... என்று அத்தனையும் வரிசைப்படுத்திப்பதிவுசெய்யப்பட்டிருக்கிறது.

முள்ளிவாய்க்கால்படுகொலையை , இராணுவவெற்றிவிழாவாகக் கொண்டாடவிருப்பது கோடிட்டுக்காட்டப்பட்டிருக்கிறது.

அடக்கியவர்களும் அடக்கப்பட்டவர்களும் ஐக்கியமாக வாழ்ந்ததாக வரலாறு இல்லை என்ற எச்சரிக்கை வேறு.

இதைவிட, வேறென்ன வேண்டும்?

இவையெல்லாவற்றையும்விட, ஒரு முக்கியமானவிடயமும் அதில் தொட்டுக்காட்டப்பட்டிருக்கிறது.

” எங்களை அழிக்க சிங்களத்துக்கு தோள்கொடுத்தவர்கள் - இன்று சிங்களத்தை அடிமைப்படுத்த எங்களைப்பாவிக்கிறார்கள்.” என்ற உண்மை போட்டு உடைக்கப்பட்டிருக்கிறது.

இந்த இடத்தில்தான் இங்குள்ள சில ஊடகங்கள் பிடித்துக்கொண்டு தொங்குகின்றன.

இந்த ஐரோப்பாவோ அமெரிக்காவோ, உண்மையிலேயே எமதுபக்க நியாயத்தை உணர்ந்துகொண்டவர்களானால், எதற்காக ‘சிங்களத்திற்கு உதவிய 20 நாடுகளுள் இடம்பிடித்தார்கள்?

இப்பொழுதுமட்டும் ஏன் சிங்களத்துக்கெதிராகத்திரும்பியிருக்கிறார்கள்?

சரி, திரும்பியதுதான் திரும்பினார்கள்; செய்துமுடிக்கவேண்டியதுதானே!

வைத்து இழுத்துக்கொண்டேயிருக்கிறார்களே! ஏன் தெரியுமா? சிங்களவன் மனம்மாறித் தமது காலில்வந்து விழுவதற்கு அவகாசம் கொடுக்கிறார்கள்.

அவ்வளவுதான்!

நீதி, நியாயம் எதுவுமே இவர்களுக்கு முக்கியமில்லை. தாம் அங்கு காலூன்றவேண்டும். அதன்மூலம் தாமே ‘ அனைத்துலக நாட்டாமை’ என்ற பதவியைத்தக்கவைத்துக்கொள்ளவேண்டும். இதுதான் இவர்களுக்குத்தேவை.

இது சரிவரும் என்பதுபோலத்தெரிந்தாலே, எங்களையெல்லாம் கூண்டோடு பிடித்து அவர்களிடம் ஒப்படைத்துவிடுவார்கள்.

இப்பொழுதே ஆங்காங்கே நடந்துகொண்டுதானே இருக்கிறது? ஜேர்மனி,நெதர்லாந்தில் கைதுகள் - அவுஸ்திரேலியா,மலேசியாவில் அகதிகள்மீது மிருகத்தனமான நடவடிக்கைகள் என்று!

இவர்களைமட்டுமே நம்பியிருக்காமல், ‘ சாட்சிக்காரனை நம்புவதைவிட, சண்டைக்காரன் காலில் விழுவது மேல்’ எனும் பழமொழிக்கமைய - அங்கும் ஒரு முன்னெடுப்பை நகர்த்துவதே புத்திசாலித்தனம்.

இல்லையேல், சொல்லொணாத்துன்பங்களில் உழலும் எமதுறவுகள் - சிறையில் சித்திரவதைக்குள்ளாகும் போராளி இளைஞர்களையெல்லாம் மீட்டெடுப்பது என்பது பகற்கனவாகியே போய்விடும்.

எனவே, இங்குள்ள ஊடகங்கள், தமது சொந்த விருப்புவெறுப்புகளைத் தூரவைத்துவிட்டு , சரியானதைச் சரியென்று, சரியான நேரத்தில் வெளிப்படுத்தினால்தான்,

தவறானதொன்றச்சுட்டிக்காட்டும்போது மக்களும் நம்புவார்கள் ; அரசியல்வாதிகளும் நெறிப்படுத்தப்படுவார்கள்.

- சிவம் அமுதசிவம்

கருணாநிதி கதைவசனத்தில் கோத்தபாயா

2010-04-29T21:47:00.005+02:00

இந்தவகையில் கோத்தபாயா கொடுத்துவைத்தவர்தான். கருணாநிதி கதைவசனங்களைப் பேசிநடித்தே புகழ்பெற்ற எம்ஜிஆர், சிவாஜி போன்ற தமிழகத்தின் முன்னணி நடிகர்கள் வரிசையில், ஒரு சிங்களனாயிருந்தும் வாய்ப்புக்கிடைத்திருக்கிறதென்றால் அது சாதாரணமான விடயமல்ல!

மெரீனா கடற்கரையில் கருணாநிதி நடாத்திய ‘ ஒரு மணிநேர உண்ணாவிரதம்’ எனும் நாடகத்தில் கருணாநிதிதான் , நடிப்பு உட்பட கதைவசனம் எழுதும் பொறுப்பையும் ஏற்றிருந்தார் ;அதில் உபவேடங்களில் நடித்திருந்த மேனன் , நாராயணன் , பிரணாப் என்று அனைவருக்குமே அவரவர் மொழியில் எழுதியும் கொடுத்திருந்தார்.

ஆனால் இந்தப் பாழாய்ப்போன சிங்களம் கொஞ்சம் கஷ்டமாகிப்போய்விட்டது. அதனாற்றான், கோத்தபாயாவுக்கென்று எழுதியதைக் கொடுக்கமுடியாமலே போனது.

இதனால் கோத்தபாயாவுக்குக்கவலை ;

இவருக்கோ உற்றநண்பனைக்கவலைப்படுத்திவிட்டோமே என்று கவலை.

” கவலைப்படாதே (ராசபச்சே) சகோதரா! உனக்கென்றும் ஒருநேரம் வரும். அப்போது நீ மட்டும்தான் எனது வசனத்தைப்பேசுவாய்” என்று வரம் கொடுத்தார். அந்தநேரம் இப்போதுவந்திருக்கிறது.

இதில் நாடகம்,கதைவசனம் என்பதெல்லாம் கொஞ்சம் கற்பனைதான் ;

ஆனாலும் , அதில் உண்மை இல்லாமலும் இல்லை என்றவிடயம் கருணாநிதியை அறிந்தவர்களுக்கு நிச்சயம் புரியும்.

எடுத்த எடுப்பிலேயே, ‘ இந்தியாவைத்தந்திரமாக ஏமாற்றினோம் .... இந்தியாவின் போரைத்தான் நாம்நடத்தினோம்....என்றெல்லாம் இந்திய வல்லரசேகூனிக்குறுகி நாணும்வகையில் வாய்த்துடுக்காக வார்த்தைகளை அள்ளிவீசிய கோத்தபாயா, கருணாநிதியைத் தாம் ஏமாற்றியதைமட்டும் -

இவ்வளவு காலங்கடந்து, முள்ளிவாய்க்கால் படுகொலையின் ஓராண்டு நினைவாஞ்சலிகள் நிகழவிருக்கும் இந்தநேரத்தில் ஏன்வெளியிடவேண்டும்?

இங்குதான் நாம் யோசிக்கவேண்டியிருக்கிறது.

கருணாநிதிக்கு இப்போதுள்ள அவசரதேவை: ‘தமிழினத்தின் ஒப்பற்ற ஒரேதலைவர்’ என்ற பெயரை மீட்டெடுப்பதே! அது தொலைந்து வெகுகாலமாகிவிட்டது என்பதையே நம்பமறுக்கிறது அவரது நப்பாசை!

அவனவன், ஒருவாழ்க்கை வாழ்வதற்கிடையிலேயே அல்லாடிப்போகிறான் ; போதும் போதும் என்றாகிவிடுகிறது. -

ஆனால், மனிதர் ஒரேநேரத்தில் மூன்றுவாழ்க்கையை வாழ்ந்தும், ஆசை அறுபடாநிலையில் தவிக்கிறார். ‘ மானாட மயிலாட... ‘ என்று அனைத்தையுமே ஆடவிட்டு இரசிக்கிறார்.

தனது கபடக் காய்நகர்த்தல்களின் வேடங்கலைந்து, தமிழர்கள் அனைவரும் தியாகி முத்துக்குமாரன் வழியில் ஒன்றுதிரண்டபோதே, கருணாநிதி ஒன்றைத் தெளிவாகப்புரிந்துகொண்டார்.

இனியும் தனது வாய்ஜாலங்கள் தமிழர்களிடம் எடுபடாதென்பதே அது.

எனவே, ‘ அன்றாட வாழ்வுக்கே அல்லாடிக்கொண்டிருந்த’ அப்பாவித்தமிழர்களை, அவர்களிடமே தாம் கொள்ளையடித்துச்சேர்த்துவைத்திருக்கும் பணத்தால் அடித்தும்,

பணத்துக்கு மசியாதவர்களை தனது கைத்தடிகளை அனுப்பிமிரட்டியும், உணர்வுள்ள தமிழ்த்தலைவர்களைச் சிறையிலடைத்தும், தமது அடுத்தகட்ட நடவடிக்கையை நகர்த்திப்பார்த்தார் ;

பணம்- பதவிகள்தான் மென்மேலும் சேர்கிறதேதவிர, பெயரை மீட்கமுடியாமலேயுள்ளது.

மனிதருக்கு இப்போது மரணபயம் இலேசாகப் பற்றிக்கொண்டதுபோலும்!

( இப்போதாவது வந்ததே! அந்தவகையில் இது தமிழனுக்கு விடிவுகாலம் என்பதன் அறிகுறி!)

எனவே, அந்தப்பெயரைமட்டும் மீட்டெடுத்துவிட்டால், நாலாவதுவாழ்க்கை வாழ்ந்தது போலிருக்குமே என்று நினைக்கிறார்....

‘கேட்காமலே இத்தனை வசைகளை இந்தியாவின்மீதே அள்ளிக்கொட்டிய நண்பன் , நாம் கேட்டு , இல்லையென்றா சொல்லப்போகிறான்?’ என்று கோத்தபாயாவையே அணுகியிருக்கிறார்.

அவர்தான் பிரித்தானியா, நோர்வே, அமெரிக்கா என்று எதையுமே விட்டுவைக்காமல், ‘வெள்ளைப்புலிகள்’ என்று வசைபாடிய வள்ளலாச்சே!

அவருக்குச் செக்கென்ன? சிவலிங்கமென்ன? எல்லாம் ஒன்றுதானே!

காலங்கடந்தும் மார்தட்டியிருக்கிறார் - நான்தான் செய்தேன் என்று!

கருணாநிதி விழித்துக்கொண்டுவிட்டார் என்பது சரி....

நாம் எப்போது விழித்துக்கொள்ளப்போகிறோம்?

இதுவே, ஒவ்வோரு தமிழனும் சகதமிழனிடமும் கேட்கும்

‘ மில்லியன் டாலர்’ கேள்வி!!!!

குரங்குக்குத்தெரிந்த மனிதஉரிமை

2010-04-28T13:49:00.007+02:00

இது சிரிக்கவேண்டிய விடயமல்ல; மாறாக, சிந்திக்கவேண்டியவிடயம்.

இக்காட்சியைக் கூர்ந்து அவதானித்தால் , பலவிடயங்களைப்புரிந்துகொள்ளலாம்.

ஏற்கெனவே, அது நன்கு பழகியகுரங்கு. அதிலும், புத்திக்கூர்மையுள்ள வகைகளிலொன்றாகக்கண்டறியப்பட்ட சிம்பன்சி எனப்படும் வகையைச்சார்ந்தது.

இவருக்காகவே பிரத்தியேகமாக அஃதங்கே கொண்டுவரப்பட்டிருக்கிறது. ஆனாலும் இவரை அது , கண்டுகொள்ளவேயில்லை.

”நீ யாராயிருந்தால் எனக்கென்ன ?” என்பதுபோல் வாடியமுகத்துடனேயே காணப்படுகிறது.

இவரோ, அது தன்னை நிமிர்ந்துபார்த்துவிட்டால் அடையாளங்கண்டுகொள்ளும் என்பதுபோல, நீண்டநேரமாக அதற்கு, கைலாகுகொடுத்தும், அதன் முகத்துக்கு நேரேநின்று சிரிப்புக்காட்டியும் அதன் கவனத்தை ஈர்க்கப்பெரும்பாடுபடுகிறார்...

இத்தனையாயிரம் தமிழர்களைக்கொன்றொழித்த மகாபராக்கிரம சூரன் -ராக்‌ஷசபட்சே சகோதரர்களில் ஒருவன் வந்திருக்கிறேன்.....அப்படி இதற்கு என்னைத்தெரியாமலிருக்குமா என்பது போல.

ஒருவேளை அதனிடமிருந்து ஒரு ‘சல்யூட்’ ஐ எதிர்பார்த்திருப்பாரோ என்னமோ.

சாதாரணமாக, குரங்குகள்தாம் தேவையில்லாமல் அடுத்தவர்களைச் சீண்டிக்கொண்டேயிருக்கும். இதனாற்றான், குரங்குச்சேட்டை என்றசொல்லே வந்தது. இதை, ‘ தமிழ்மறவர்’ இணையதளத்தில் ‘நகைச்சுவைக்கணொலி’ இலும் நேயர்கள் காணலாம்.

ஆனால், இங்கோ நிலைமை தலைகீழாகவே காணப்படுகிறது.

பலதடவைகள் இவர் அதன் கைகளைப்பிடித்துக்குலுக்கியும், கையிலேயே கீச்சுமூச்சுக்காட்டியும் செய்த தொந்தரவுகளைச்சகித்துக்கொண்டு, தனக்கு அவரைக்காணவே பிடிக்கவில்லையென்பதை மறைமுகமாக அது உணர்த்தியும்,

புரிந்துகொள்ளாமல், மென்மேலும் தொடர்ந்து இவர் சீண்டிக்கொண்டேயிருந்தமையினாலேயே அது, பொறுமையிழக்கவேண்டியநிலைக்குத்தள்ளப்பட்டிருக்கிறது.

இவ்வளவுபேரில் இவரைமட்டும் அதற்குப்பிடிக்காமற்போனமைக்குக் காரணம் என்னவாயிருக்கும்?

மனித உரிமைகளையே மதிக்கத்தெரியாத இவன் , மிருக உரிமையை எங்கே மதிக்கப்போகிறான் என்று நினைத்ததோ என்னமோ?

டீச்சர்! அவந்தாங் கிள்ளினான் டீச்சர்!

2010-04-20T17:55:00.009+02:00

தமிழக அரசியல்வாதிகளா ? இவர்கள் ஒரு தனிரகம் !

இவர்களைவிட இராட்சஷபட்ஷே திறம் என்று சொல்லலாம் போலிருக்கிறது.

இவர்களை அவர்கள் ‘கோமாளிகள்’ என்றார்கள் ; இவர்களும் அதை உண்மையென்று நிரூபிக்கும்வகையிலேயே நடந்துகொள்கிறார்கள்.

அரசியல்வாதிகள் போலவா பேசுகிறார்கள்?

பாலர்பள்ளிக்குழந்தைகள், “ டீச்சர்! இவன் என்னக்கிள்ளினான் டீச்சர்! - இல்ல டீச்சர்! அவந்தா மொதல்ல என்னக்கிள்ளினான் டீச்சர்! “ என்று ஆளுக்காள் குற்றஞ்சாட்டிக்கொள்வதைப்போல,

கருணாநிதிதான் காரணம் என ஒரு சாரார் கைகாட்ட -

ஜெயலலிதாதான் காரணம் என்று மற்றொருசாரார் முழங்க .....

இரண்டையுமே தவிர்த்து, மத்திய அரசே காரணம் என்றும் ஒரு புதுக்காரணம் முளைக்கிறது.

இவைகளையெல்லாம்தாண்டி, ஆங்காங்கே கொசுறுக்காரணங்களும் பிசுபிசுக்கின்றன சுப்பிரமணியன்சாமி போன்ற அசல்கோமாளிகளிடமிருந்து.

இவர்கள் காரணத்தைக்கண்டறிவதற்கிடையில், அந்த வயதானதாய்க்கு , மேலும் வயதாகிவிடும்.

இந்த குதம்பல் அரசியல்வாதிகள்,எதையுமே தமது அரசியல்நோக்கங்களை நிறைவேற்றிக்கொள்ளப்பயன்படுத்திவிடுகிறார்கள்.

மரணவீடுகளில்கூட, தமக்கு அங்கே என்ன தேறும் என்றகணக்கையே போடுகிறார்கள்.

ஆனாலும்,இங்கு, ஒட்டுமொத்தமாக பாதிக்கப்படுவது என்னவோ தமிழன்தான்!!

ஆண்டாண்டுகாலமாகவே அடிமைத்தனம் பழக்கப்பட்டுவிட்டதால், சுதந்திரம் என்ற சொல்லின் பொருளே தமிழனுக்கு, ‘ மானாட உமனாட’ (man ஆட woman ஆட) இரசிப்பதுதான் என்றாகிவிட்டது.

பார்வதியம்மையார் வந்த விடயமே தமக்குதெரியாதாம்;

எவ்வளவு எகத்தாளமான பேச்சு!

கருணாநிதி காட்டில் மழைபெய்கிறது! யார் என்னசெய்யமுடியும்?

எங்கோ உள்ள சச்சின் டெண்டுல்கர் - இவர் சம்பந்தப்பட்ட அரசியல்,தமிழ்க்கவிதை என்று எந்தத்துறையிலுமே இல்லாதவர்;

அவர் இரட்டைச்சதம் அடித்தால் அடுத்தகணமே இவருக்குத்தெரிந்துவிடுகிறது;

அதற்கொரு பாராட்டுக்கவிதையும் பறக்கிறது.

ரம்பா திருமணஞ்செய்தால் அதுவும் தெரிகிறது.

இதுமட்டும்,தெரியவில்லையாம்.

ஒருவேளை , அணிந்திருக்கும் கறுப்புக்கண்ணாடியின் தவறாக இருக்குமோ?

வாசல்வரை வந்த வயதான தாயை விரட்டியடித்துவிட்டு, மீண்டும் தனது இலச்சினை பொறித்து வரவழைக்கப்போகிறாராம் கருணாநிதி!

எதற்குத்தெரியுமா?

வழக்கமானபாணியில் வாய்கிழியப்பேசுவதற்கு.

“ பிரபாகரன் எனது நண்பர் என்று

சொன்னேன் அன்று ;

அதை நிரூபித்துக்காட்டியிருக்கிறேன் இன்று.

அதனால்தான் அவரது தாய்க்கு , தமிழக அரசே முன்னின்று

வழங்கியிருக்கிறது சிகிச்சை ஒன்று.”

அப்படி இப்படி ஏதாவது புலம்பித்தள்ளி ,மக்களை மேலும் குழப்பத்தில் ஆழ்த்துவதற்கு.

என்னதான் இவர்கள் ஆட்டங்காட்டினாலும், அடிப்படை உண்மையை மக்கள் உணராமலுமில்லை.

ஆனாலும், திராவிடக்கட்சிகளின் தில்லுமுல்லுஅரசியலில்சிக்கி, சீரழிந்துகொண்டிருப்பதால் , மக்களால் தற்காலிகமாக எதுவும்செய்யமுடியவில்லை என்பதே உண்மை!

ஜனநாயகம் எனும் போர்வையில் , இந்தத்திராவிடக்கட்சிகள் செய்யும் கொடுங்கோல் ஆட்சி, வெகுவிரைவில் முடிவுக்குவரத்தான் போகிறது -

ஈரானின் ஷா, நேபாளத்தின் பிரேந்திரா/கயனேந்திரா, பிலிப்பைன்ஸின் மார்க்கோஸ் போன்ற கொடுங்கோலர்களின் ஆட்சி மக்களாலேயே தூக்கியெறியப் பட்டதுபோல

மே 18 - இந்தநாள் கொடியநாள்

2010-04-18T19:01:00.005+02:00

கவனம் தமிழா! கவனம்!

வைகாசித்திங்கள்( ஆங்.) 18ம் நாள்.

முள்ளிவாய்க்கால் படுகொலை என்று அறியப்பட்டதினம் இது!

அறிந்தும் அறியாததுபோல் - தெரிந்தும் தெரியாததுபோல்

உலகமே கண்ணைமூடிக் கொண்டிருக்க,

இந்தியக்கோட்டான்களும் சிங்களக்குரங்குகளும் சேர்ந்து

ஆயிரக்கணக்கான அப்பாவித்தமிழர்களை உயிரோடு புதைத்ததினம் இது!!

தமிழுறவுகளைத்தொலைத்தமையை எண்ணி,

முழுத்தமிழினமுமே கலங்கிநிற்கும் நாள் இது!

மனிதத்தைத்தொலைத்தமைக்காக முழு உலகமுமே

வெட்கித்தலைகுனியவேண்டிய நாள் இது!

தமிழனாகப்பிறந்த ஒவ்வொருவனும்

தலையிலடித்துக்கதறியழ வேண்டிய நாள் இது!!

அழுவதோடு நிறுத்திக்கொள்ளாமல் ,அன்னைதமிழ் துயர்போக்கும்

அடுத்தகட்ட நகர்வுக்காக வீறுகொண்டெழவேண்டியநாள் இது !!!

இந்தநாளைக்கூட ‘ இனிய நாள்’ என்று சொல்ல, சில சுயநலப்பேய்கள் - எமக்கு அறிவுரை சொல்லும் போர்வையில், எமது விருந்தினர் அறையினுள்ளேயே , எமது தொலைக்காட்சிப்பெட்டியினூடே நுழையக்கூடும் !!!

எமதுறவுகள் பட்ட அவலங்களில் குளிர்காயமுனையும்

இக்கருங்காலிகள் குறித்து, கவனமாக இருப்போம் !

எமது கையையே எடுத்து, எமது கண்ணைக்குத்தவரும்

எத்தர்களிடம் எச்சரிக்கையாயிருப்போம் !!

ஆயிரம் ஆயிரம் மாவீரர்களினதும்,

அந்த முள்ளிவாய்க்கால் அவலத்தில்

மாண்டுபோன மக்களினதும்

மரணங்களை அர்த்தமுள்ளதாக்குவோம்!!!!!

தாயக விடுதலையை நோக்கி முன்னேறுவோம் !!! - ஏனெனில்..........

நாம் தமிழர் !!!!!!!!!!

வாழ்க தமிழ் !!!!!

தமிழ் மறவர் > அனைத்து இடுகைகள்

2010-04-13T17:09:00.040+02:00

இந்தஇணையதளத்தின் உள்ளேஉள்ளவை
தமிழ் மறவர்: 'அனைத்து இடுகைகளும் ஒரேபார்வையில்....
*.பிணம்புணர்கழுகுகள்*பச்சோந்தி/கொலைஞர்*.முதற்களபலி*.வெல்கபுலி*.மாவீரர்புகழ்*.குரங்கு_புலி(நகைச்சுவைக்காணொலி1)(நகைச்சுவைக்காணொலி2)

*.Battle at kruger-1

*.Battle at kruger-2
*.நிர்வாணம் - கவிதை
*.மானாடஆட..கவிதை
*.வத்திமன்னன்-சுகிசிவம்
*.ஜார்கண்ட் படுகொலை
*. மகி(இ)ந்தக்கல்லில் நார்?.........

*. ’மே18’ இந்தநாள் கொடியநாள்

*. டீச்சர்! அவந்தாங் கிள்ளினான்

*. குரங்குக்குத்தெரிந்த மனித உரிமை

*. கருணாநிதி கதைவசனத்தில் கோத்தபாயா

*.ஸ்ரீதரன் நா.உ. இன் கன்னிப்பேச்சு!
*. ஓ! மனிதா!..... ( ஒரு தமிழகத்தமிழனின் உணர்வலைகள்!)
*.பிரபாகரன் ஆண்டு !!!!
*.ஏக்க தமாய் கோகணா!
*.மகி சிவம் ஆனார் சுகிசிவம்
*.’ இர்ர் ‘ ஐ விட்டார் ஏ.ஆர்.ரஹ்மான் !!!!
*.’ காதுல பூ ‘ - கா.சிவத்தம்பி
*.நீதியின்பால் இக்பால்

மகி(இ)ந்தக்கல்லில் நார்?.........

2010-04-03T01:33:00.004+02:00

2007 Jharghand

2010-03-26T12:23:00.010+01:00

2007 ம் ஆண்டு , காந்தி?தேசத்தில் நிகழ்ந்த ஒரு குரூரம்!!

இதுதான் இந்தியா ! இதற்குக் காந்திதேசம் என்று அடைமொழிவேறு! இந்தக்காட்சியை இதில் பார்த்துக்கொண்டிக்கும்போதே எமது நெஞ்சுகனக்கிறது; துக்கம் தொண்டையை அடைக்கிறது. ஆனால், எவ்வளவுநிதானமாக-பட்டப்பகலில்-நட்டநடுத் தெருவில் இந்த அட்டூழியம்நடக்கிறது! ஒருஅப்பாவியைப் பலர்சேர்ந்து,விதவிதமாகத் தாக்குகிறார்கள்; அதை எத்தனைபேர் சுற்றிநின்று வேடிக்கைபார்க்கிறார்கள் ! இந்த வேடிக்கைபார்க்கும் கும்பலில் காவலர்களும்உள்ளடக்கம் என்பதுதான் இதன்முக்கியஅம்சமே! தாக்குதலுக்குள்ளானவர்கள் எந்தவிதமான எதிர்ப்பையும் காட்டாதநிலையிலும் - வெறும் மண்புழுக்களாக நெளிந்துகொண்டிருந்த நிலையிலும், கொஞ்சங்கூட ஈவிரக்கமின்றித் தாக்குதல் தொடர்ந்துகொண்டேயிருக்கிறது.
இத்தனைக்கும் அவ்விளைஞர்கள்செய்த தவறுதான்என்ன?
சனநாயகவழியில் தமது உரிமைகளுக்காகப் போராடியதுதான் அவர்கள்செய்த மாபெரும்தவறு.
இதில் கவனிக்கப்படவேண்டியது என்னவெனில், இன்னொருகும்பல், அங்கே மனுக்கொடுக்கவந்த ஆதிவாசிஇளம்பெண்களைத் துரத்திதுரத்தி வேட்டையாடுகிறது. இதுதான்தருணம் என்று அவர்களை நிர்வாணமாக்கிப்பார்க்கிறது.
நட்டநடுத்தெருவில் அந்தஅப்பாவி இளம்பெண் , தனது மானத்தையும் உயிரையும்காக்க, நிர்வாணமாக ஓடிக்கொண்டிருக்கிறாள். இன்னொருபெண்ணை ஒரு காடையன், நிர்வாணமாக்கி, அவளின் பிறப்புறுப்பில் தனது காலணிக்காலால் உதைகிறான்.
எவ்வளவு வக்கிரபுத்தி?
இதை அங்கு கடமையிலிருந்த பெண்காவலர்கூட ’பொண்ணுக்குப்பொண்ணு‘ என்றவகையிலாவது தடுக்கமுன்வரவில்லை. கூட்டத்தோடு கூட்டமாகநின்று வேடிக்கைதான் பார்க்கிறார். அவர்மட்டுமா ? முழுஇந்தியாவுமே இவ்வகையான அக்கிரமங்களை வேடிக்கைதான்பார்க்கிறது - பார்த்துக்கொண்டேயிருக்கிறது.
எல்லைதாண்டிய பயங்கரவாதமாம் ! அதை அடியோடு ஒழிக்கப்போகிறார்களாம்! பீற்றிக்கொள்கிறார்கள். இவர்களின் எல்லைக்குள்நின்றுகொண்டே பயங்கரவாதம் எல்லைதாண்டிப்போகிறதே!

2010-03-24T20:35:00.040+01:00

வத்திமன்னன் - சுகிசிவம்

ஐயா சுகிசிவம் அவர்களே! தாங்கள் ஒரு அறிவுக்களஞ்சியமேதான்; ஒப்புக்கொள்கிறோம்.
ஆனாலும் தங்களிடம் பொதிந்துள்ளஅறிவு, கொஞ்சம் அளவுகடந்துதுவிட்டதோ என்றுதான் எண்ணத்தோன்றுகிறது.
தங்கள்பாணியிலேயே இதற்கு விடையளிக்க விரும்புகிறேன்.
‘அளவுக்குமிஞ்சினால் அமிர்தமும்நஞ்சு’ என்பது ஆன்றோர்வாக்கு.
நிரம்பி ‘வழியும்’ அறிவுகொண்ட தங்களுக்கு இந்தச்சின்னவகுப்புப்பாடம் தெரியாமலிருக்க நியாயமில்லை.
ஆனால், தாங்கள்இதிற்கையாண்ட சொற்பதங்களை அவதானித்தால், ’வெளிநாடுகளில் வாழ்பவர்களெல்லாம் சொகுசாகவாழ்கிறார்கள்’ எனும் பொறாமைதான் அதிற்பளிச்சிடுகிறது.
உண்மையிலேயே,அந்தமக்களுக்குஉதவுவதுதான் தங்கள்நோக்கமாக இருந்திருந்தால்:
‘எமதுமக்களுக்கு நாம்உதவாமல், வேறுயார் உதவுவார்கள்? அனைவரும்சேர்ந்து கைகொடுப்போம் வாருங்கள்!’ என்பதுபோலத்தான் அஃதமைந்திருக்கவேண்டும்.
இதைவிடுத்து, ‘ உயிரைக்காப்பாற்றிக்கொள்ள ஓடிப்போனவர்கள்’ என்பதை, ஏதோ ஆரம்பப்பள்ளிஆசிரியர்போல அழுத்திச்சொல்லியிருக்கவேண்டிய அவசியமில்லை.
இந்த உயிரின்மீது யாருக்குத்தான் ஆசையில்லை. உங்களுக்கில்லையா? இல்லையேல் நீங்கள் தமிழர்இல்லையா? வாய்ப்புக்கிடைத்தால் எவரும் உயிரைக்காப்பாற்றிக்கொள்ளத்தான் செய்வார்கள் என்பது,மேதாவிகளுக்கு மட்டுமே புரியுமென்பதுமில்லை.
முள்ளிவாய்க்காலில் நமதுசொந்தங்கள் பதைக்கப்பதைக்க உயிரோடுபுதைக்கப்பட்டபோது, தாங்கள்எங்கு சந்திரமண்டலத்திலா இருந்தீர்கள்?
மேற்கத்தையநாடுகளில்வாழ்பவர்களைவிட, மிகஅருகில்-தாய்த்தமிழகத்திற்றானே இருந்தீர்கள்?
உங்கள் தொப்புள்கொடிஉறவுகளுக்குஉதவ, கால்நடையாகவேஅங்கு ஓடியிருக்கவேண்டாமோ?
சரி;அதுதானில்லை...அந்தஅவலங்களை நிகழ்த்தியவர்களுக்கெதிராக ஒருகுரலாவது கொடுத்திருக்கலாமே!
தமிழனின் வாழ்விடங்களையெல்லாம் அன்னியன் அழித்தொழிக்கும்வரை கண்களை இறுகமூடிக்கொண்டிருந்துவிட்டு -
தப்பித்தவறி, குண்டுவிழாத தமிழனின்வீடுகளில் எல்லாம்,அழித்தவனே குடியேறிநிலையெடுக்கும்வரை காத்திருந்துவிட்டு --
ஆக்கிரமித்தஎதிரியை இனி அசைக்கமுடியா தென்பதையும் உறுதிப்படுத்திக்கொண்டு -
தமிழனின் வீடுகளையே பறித்துத் தமிழனிடமே தரமுயற்சிக்கிறீர்கள்...
அதாவது, ‘ வழித்தேங்காயைத் தெருப்பிள்ளையாருக்கு’ அடித்துவிட்டு, அதே தேங்காயைச் சட்னிக்கும் பயன்படுத்தப்போகிறீர்கள்!- ’ஊராவீட்டுநெய்யே எம்பொண்டாட்டிகையே‘என்று...
உருக்குலைந்துபோன வீடுகளுக்காகத் தமிழனும் தமிழனுமே புடுங்குப்படட்டும் என்று மிகஅழகாக வத்திவைக்கிறீர்கள்.....
ஆஹா ! அறிவாளி மட்டுமல்ல.. நீங்கள் சகலகலாவல்லவன்! உங்களுக்கு‘சொல்வேந்தர்’ என்றொரு பட்டம் உள்ளதாமே!
இன்றிலிருந்து ‘ வத்திமன்னன்’ என்றபட்டத்தையும் ஈழத்தமிழர்சார்பாக உங்களுக்கு அளிக்கிறேன்.

அந்தநேரத்தில்,அங்கு வீடுமட்டுமா இல்லாமலிருந்தது?
காடையர்கள்வீசிய கொத்தணிக்குண்டுகள், இரசாயனக்குண்டுகளால் சுத்தமான காற்றே இல்லாமற்றானிருந்தது.
உண்ணஉணவில்லை; குடிக்கநீரில்லை; நிற்கவே இடமில்லை.
உடுக்கஉடையில்லை; ஏன்? உயிரேஇல்லை.
இல்லை இல்லை இல்லை இல்லை!
எங்கும் இல்லைமயமாகவே இருந்ததே!
அப்போது தாங்கள் என்னசெய்துகொண்டிருந்தீர்கள்?
ஒருவேளை இராமாயணசீதை அசோகவனத்திற்பட்ட அல்லலைநினைத்து அழுதுகொண்டிருந்தீர்களோ?
அழுதுகளைத்துவந்த கும்பகர்ணத்தூக்கத்திலிருந்து, இப்போதுதான் விழித்துக்கொண்டீர்களோ?
இவ்வளவுக்கும் திறவாதவாயை, தற்போது திறக்கவேண்டிய அவசியந்தான் என்ன?
கம்பன்கழகப்பட்டிமன்றம் எனும்போர்வையில் கொழும்புக்குச்சுற்றுலாச்சென்று, வீடுவீடாக விருந்துண்டுமகிழ்ந்தமைக்கு நன்றிக்கடன்செலுத்தவா?
மேற்கத்தையநாடுகளில்வாழும்தமிழர்களின் பெற்றோர்,உடன்பிறந்தோர்,சுற்றத்தார் ஆகிய இரத்தசொந்தங்களே ஈழத்தில்வாழ்கின்றனர்.
அக்கறையில்லாமலா அவர்களெல்லாம் ஆயிரக்கணக்கில்- இலட்சக்கணக்கில், கொட்டும்பனியையும் பொருட்படுத்தாது தெருவிலிறங்கிப் போராடினார்கள்?
அந்தப்போராட்டந்தானே இன்று, பலவழிகளில் அடக்கிவாசிக்கும்படி சிங்களத்தை மேற்குலகநாடுகள் வற்புறுத்தக்காரணமாய் அமைந்தது?
அதுமட்டுமா? ‘வணங்காமண்’ கப்பல்நிறைய அவசரஉதவிப்பொருட்களை அனுப்பிவைத்தார்களே!
அதைக்கூட, அவர்களுக்குக்கிடைக்கவிடாமல், உங்கள் ‘பெரியண்ணன் மகிந்தா’ தடுத்துவைத்ததை அறியாமலா இருந்தீர்கள்?
அக்கப்பல் சென்னைக்கும் வந்ததே! உள்ளூர்ச்செய்திகூடவா கிடைக்கவில்லை?
‘பிறர் கொடுப்பதைத்தடுப்பது பெரும்பாவம்’ என்பதற்கமைய, இப்பெரும்பாவத்தைப்புரிந்த அயோக்கியர்களுக்கெதிராகக்குரல்கொடுப்பது சான்றோர்களின்கடமை என்பது, தாங்கள்படித்த ஒருபுத்தகத்திற்கூடவா இல்லாமற்போயிற்று?
அவர்களின் சொந்தஉறவுகளின் மனநிலை,அவர்களைவிடவும், ஒருநாள்போய்விருந்துண்ட உங்களுக்கு அதிகமாகப்புரியும் என்றுநினைக்கிறீர்களா?
ஈழமக்களைப்பொறுத்தவரை, கஷ்டங்கள்-துன்பங்கள் என்பது _ இன்றுநேற்றல்ல! காலங்காலமாகவே பழகிப்போனசங்கதி. ஒருவீடு மட்டுமல்ல!;கிராமம்கிராமமாகவே வீடுகளைச்சிங்களரிடம் பறிகொடுத்தவர்கள்அவர்கள்! வெளிநாட்டிலுள்ளவர்களின்வீடுகளை வாங்கித்தரும்படி, உங்களைத் தூதனுப்பியிருக்கிறார்கள் என்கிறீர்கள். இது நம்பக்கூடியதாகவா உள்ளது?
நிச்சயமாக நீங்கள் விருந்துண்டஇடம், ஒரு தமிழினத்துரோகியின் வீடாகத்தான் இருக்கவேண்டும்.
ஏனெனில் நாமறிந்தவரை, இத்துரோகிகள்தாம் ஈழத்தில் மட்டுமல்லாது அனைத்துலகமட்டத்திலும்,இக்கட்டான இந்தநேரத்தைப்பயன்படுத்தி, மக்களின்தன்மானஉணர்வுகளை மழுங்கடிக்கும் முயற்சியிலீடுபட்டுக்கொண்டிருக்கிறார்கள்.
நீங்களும் ’யானைபார்த்த குருடனாக’ , துரோகிகளைமட்டும் தடவிப்பார்த்துவிட்டு துரோகத்துக்கொரு கருவியானமை துரதிஷ்டமானதே!
உங்கள் கருத்துப்படிபார்த்தால், தமிழகத்திலேயே வீடற்றவர்கள் கோடிக்கணக்கில் இருக்கிறார்களல்லவா? அவர்களில் ஒருவருக்கேனும் உங்கள்வீட்டுக்கொல்லைப்புறத்திலாவது இடங்கொடுத்திருக்கலாமே!
கோவணத்துக்கும் வழியற்ற அந்தமக்களுக்கு, தோளிலணிந்திருக்கும் துண்டையேனும் கொடுத்துவிட்டுப் போயிருக்கலாமே!
‘ஊருக்குபதேசம் உனக்கல்லடி’ என்றகதையாகத்தான் உள்ளதுஉங்கள்பேச்சு!

வெளிநாடுகளில் வாழ்வதுபற்றி இவ்வளவு ஏளனமாகப்பேசுகிறீர்களே!
சொந்தமக்கள் வெள்ளையனிடம் வதைபட்டுக்கொண்டிருந்த அந்தநேரத்தில்
உங்கள்காந்தியாரும் பட்டப்படிப்பும் பகட்டுவாழ்க்கையும் என்று இங்கிலாந்தில்இருந்தவர்தானே!
அதுமட்டுமன்றி, இந்தியாவில் இருந்தவரையிலும் சொந்தமக்கள்பட்ட துன்பங்களைக் கண்டுகொள்ளாமலிருந்துவிட்டு, எங்கோ அந்நியதேசமான தென்னாபிரிக்காவில் வாழ்ந்த இந்தியர்களின் உரிமைக்காகக்குரல்கொடுத்தவர்தானே!
அதன்பிறகுதானே இந்தியாவைப்பற்றி நினைத்தார்?

”சீனாக்காரன் ஏதோ புடுங்கவருகிறான்;அதனால் இந்தியாவுக்குக் குலைநடுங்குகிறது ;
இந்தியாவின்நிலைமையை நாம்யோசிக்கவேண்டும்”என்றுஎமக்கு
அறிவுறுத்தவரும் நீங்கள் -
முதலில்,உங்கள்தொப்புள்கொடி?உறவுகளான எமதுநிலைமையை ஏன்யோசிக்கவில்லை?

உங்கள் இந்தியஎசமானர்களுக்கு இருப்பதோ எதிர்காலப்பிரச்சினை; உங்கள் தொப்புள்கொடிகளுக்கோ,’வாழ்வா சாவா ‘ என்ற நிகழ்காலப்பிரச்சினை.

’முக்கியத்துவம் ‘ என்றதலைப்பில் ‘ இந்தநாள் இனியநாள்’ வந்தால் எதைச்சொல்வீர்கள்? ஒருவேளை சூரியகுடும்பத்துடன்(sun) சேர்ந்ததோஷம் - இரண்டையும் தவிர்த்து உங்கள் மனைவி,பிள்ளைகளைத்தான் சொல்வீர்களோ?
கேடுகெட்டசிங்களன்,கொத்துக்கொத்தாகக் குழந்தைகளையேகொன்றொழித்தானே!
பக்தர்களுடன் சேர்த்தே வழிபாட்டுத்தலங்களையும் -
மாணவர்களுடன் சேர்த்தே பாடசாலைகளையும் நிர்மூலமாக்கினானே!
இவைகளில் ஒன்றுகூட உங்களுக்குப் பெரிதாகப்படவில்லையா?
ஐ.நா,செயலர் பான் கி மூன் அவர்களே “ இதுவரை உலகில் எங்குமே இதுபோன்றபேரழிவைக் கண்டதில்லை” என்று சொல்லுமளவுக்கு நடந்தேறிய இந்தஇனப்படுகொலை, உங்களை இம்மியளவும் பாதிக்கவில்லையா?
இவையனைத்தையும்விட, ‘ தமிழனின் உடைந்தவீடுகள்’தாம் உங்கள் கண்களை உறுத்துகிறதா?
சரி; இவைகளைத்தான் விட்டாலும் - உங்களுக்குச்சோறுபோடும் ‘ இந்தநாள் இனியநாள்’ இல் நாளுக்கொருதலைப்பில் ஏதாவதுசொல்ல உதவும் புத்தகங்களையே, நூலகத்துடன் சேர்த்து எரித்தானே!
புத்தகங்கள் என்பது உங்கள் தாய்க்குச்சமமல்லவா?
அதையாவது கண்டிக்கவேண்டும் என்று உங்களுக்குத்தோன்றவில்லையா?
சரி, அதையுந்தான் விட்டுத்தள்ளுங்கள் ; அவ்வப்போது விஞ்ஞானரீதியான கருத்துக்களைஉதிர்த்து, நாத்திகவாதிபோலடையாளங்காட்டிக்கொண்டாலும் -
ஆகமவிதிகள், பிதிர்க்கடன்கள் அவசியமானவைஎன்று குத்துக்கரணமடித்து, பணம் சம்பாதிக்க உங்களுக்கு உதவும் இந்துஆலயங்களையெல்லாம் இடித்துத்தள்ளினார்களே!
அதிலாவது உங்கள் மனம் பதைக்கவில்லையா?

மீண்டும் உங்கள்பாணியிலேயே பதிலளிக்கிறேன்:
தாயகத்தைப்பிரிந்திருப்பது தவறாகாது; மாறாக, தாயகத்தை மறந்திருப்பதுதான் மாபெரும்தவறு.

உங்கள் பெயருக்கேற்றவாறு தாராளமாக நீங்கள் சுகித்திருங்கள்.
ஆனால், தயவுசெய்து எமது விடுதலைப்போராட்டத்தை_ எமது இனஉணர்வை மட்டும் கொச்சைப்படுத்தாதீர்கள்.

அங்கே ஆடுகள்நனைகின்றன என்பது உண்மைதான்; அதற்காக நீங்களும் ஓநாய்களுக்குத் துணைநிற்காதீர்கள்!

இதுவே எமதுவிடுதலைக்கு நீங்கள் செய்யக்கூடிய மாபெரும் உதவி!

_ சிவம் அமுதசிவம்

தன்மானம் ஒழிய பார்க்கிறோம் மானாட மயிலாட ....

2010-03-24T19:11:00.004+01:00

தீப்பிழம்புக்கவிஞன் பகலவன் கவிதை.

தமிழ் வாழ்கிறது

தமிழ் நாடு அழிய...
இவன் வாழ்கிறான்
தமிழினம் அழிய...

மாநாடு நடத்துகிறானாம்
தமிழை அழிக்க....
கொடநாடு போகிறாளாம்
கன்னடத்து அம்மா.

இனம் அழிய பார்த்தோம்
அரசியல் நாடகத்தை...
தன்மானம் ஒழிய பார்க்கிறோம்
மானாட மயிலாட .

மாநாடு வேண்டுமாம்
செம்மொழி தமிழ் வாழ...
திராவிடம் வேண்டுமாம்
இவன் பரம்பரை வாழ.

பாரத ரத்னா வேண்டுமாம்
இவன் துரோகங்கள்வாழ...
இலவசம், மயக்கம்கொடுப்பானாம்,
தமிழன் சோம்பேறியாய்வாழ.

தமிழைத்தேடுகிறேன்
செம்மொழி- தமிழைத் தேடுகிறேன்!
தமிழனைத்தேடுகிறேன்,
தன்மானத்தமிழனைத் தேடுகிறேன்,

கட்சிக்குச் சொந்தக்காரன்
பாதித்தமிழன் !
சாதிக்குச்சொந்தக்காரன்
மீதித்தமிழன்.

அகர முதல எழுத்தெல்லாம்
தமிழனின் வாழ்வேடு ;
அதைப் புரிந்துகொள்ளாதவரை
நீதான் தமிழனே ! தமிழுக்குச்சாபக்கேடு.

தமிழனின் துரோகத்தின்
பட்டியல் நீண்டுபோக...
தமிழனின் வீரத்தின்பட்டியல்
குருடாகிப்போனது.

தமிழ் வாழ்கிறதாம்
முல்லையில் அரசியல்விளையாட !
தமிழ் நடனம்ஆடுகிறதாம்

“டாஸ்மாக்”கில் குடிகாரத்தமிழன்ஆட.

தமிழ் வாழ்கிறதாம்,
பாலாற்றில் தெலுங்கன் மணலைஅள்ள !
தமிழனம் ஒளிர்கிறதாம்,
தமிழன் அகதியாய் உலகம் திரிய.

வந்தாரை வாழவைத்தானாம்,
வந்தவனெல்லாம் ஏறிமிதிக்க !
இந்தியஅன்னையை வாழ்த்துகிறானாம்,
தமிழகமீனவனை ஏறிநசுக்க.

ஆம்! எங்கும் தமிழ்நாடுவாழ்கிறது,
தமிழ் அழிய ....
இவன் வாழ்கிறான்,
தமிழினம் அழிய !!!

....பகலவன்....